Jieštipšomohjelm
Pyeri mielâ lasettem aargân
Ulmuin láá huámášittee iäruh streesikierdâmnaavcâst, já lii pyeri oppâđ aiccâđ jieijâs raajijd. Jis tun huámášah, et kiävtáh liijkás ennuv ääigi vyeimivaarij kulâtteijee aššijd, te kannat tarkkuđ aargâ já kiddiđ huámášume ääigi kevttim täsitiädun.
Jis elimist ij lah tuárvi äigi tuoibâmân já muásudâtmân, te čuávumuššân puáhtá leđe ovdâmerkkân
- mielâtile vuálánem, erdumvuotâ já vaibâmvuotâ
- muštovädisvuođah já vuájudâttâmnaavcâ hiäjusmem
- lijgemiäráliih huolah tâi atâštâs
- algâttemnaavcâ kiäppánem
- mielâkiddiivâšvuođâ váilum ovdeláá vuohâsin aiccum aššijd
Mii puáhtá ilo eidu tunjin?
Lii uáli persovnlâš, et mast kii-uv naavdâš. Tot lii-uv tehálâš, et tun tiäđáh, et moh aašijd pyehtih ilo eidu tunjin. Tagareh pyehtih leđe ovdâmerkkân
- šiev kiirjij luuhâm
- elleekuuvij keččâm
- ornijdâhtooimân uásálistem
- skipárij teivâm
Smietâ meid, et lasetteh-uv tuu valjim ääših jieijâd pyereestvaijeem meid kuhes ääigi uáinust. Jis lii silloom, te lii heerkib sorduđ háitulijd huáppučuávdusáid. Ovdâmerkkân lohđuttâspuurrâm, alkohol, uhkespellâm tâi neetist surffam pyehtih uánihisáigásávt pyerediđ vajo, mut tot sáttá leđe kuhheeb ääigi uáinust háitulâš.
Inspiristuu iärásij feeriimijn
Videost (2:45) atâštâs feerim ulmuuh muštâleh ovdâmeerhâid aašijn já porgâmušâin, main sij navdâšeh já finnejeh vuoimijd aargâst.
Ohtâ onnâ lii meid vuáváđ hitruus rijjâääigi porgâmuš muuneeld, vâi tot vissásubbooht olášuuččij.
Hárjuttâs: Pyerimielârááju – Main aašijn tun navdâšah?
Mondiet?
Pyeri mielâ iššeed piergiđ eellim kenigâsvuođâiguin.
Taan hárjuttâsâst tun oopah aiccâđ aašijd, moh lasetteh pyeri mielâ tuu aargân.
Maht?
- Räähti listo aašijn, moh láá tuu mielâst vuohâseh. Muuštâš taam listo, ko poorgah aašijd, moh láá tovâttâm tunjin tuđâttâs ovdeláá. Ele vaađâ, et toh kolgâččii eidu tääl tovâttiđ pyeri mielâ. Tun puávtáh meid suogârdâllâđ aaibâs uđđâ tooimâid. Keččâl smiettâđ nuuvt maŋgâ uccâ já koŋkretlii ääši ko máhđulâš.
- Piejâ listo uáinusân veikkâ jieŋâskaapi uuksân.
Vuovâs aašij kavnâm lii távjá älkkeb, ko mielâtile lii tuđâvâš.
Muu pyerimielârááju
Mušte
Tun puávtáh vaiguttiđ jieijâd pyereestvajemân uáli oovtâkiärdánij piäiválij ašijguin.
Aargân kannat siskeldittiđ aašijd, moh pyevtitteh pyeri mielâ. Tot iššeed piergiđ eellim kenigâsvuođâiguin.