Jieštipšomohjelm
Mii atâštâs lii?
Kierdâttettee atâštâstobdoh kuleh elimân. Toh láá roopâ vyehi viestâdiđ máhđulii vaarâst já paijeentoollâđ kiärgusvuođâ toimâđ.
Tánávt atâštâs iššeed velttiđ varâlijd tilálâšvuođâid já táárbu mield toimâđ täin tilálâšvuođâin neppirávt já pehtilávt.
Atâštâs hiäđuh
Motomin atâštâs iššeed addiđ, et maidnii kalga porgâđ nubenáál. Taat sáttá laiđiđ pyereestvaijeem pyeredeijee eellimnubástussáid. Jis ovdâmerkkân aargâ huápuh atâšteh, te tušes manoi karsâm sáttá išediđ tile.
Háitulâš atâštâs
Motomin atâštâs muttoo kierdâmettumis vuáimálâžžân, haaldâšmettumin tâi kuhesáigásâžžân. Atâštâs ij stivriigin tooimâ pyereeb čuávdusij kuávlun pic heemâd piäiválii eellim. Talle atâštâs lii hemâdeijee ige suojâleijee tobdo.
Jurduuh, tobdoh já toimâm láá ovttuu ohtâvuođâst nubijdiskuin
Muttemáin jieijâd toimâmvuovijd tun puávtáh vaiguttiđ jurduidâd já tobdoidâd. Siämmáánáál hammiimáin jieijâd jurdâččemmaalijd tun puávtáh vaiguttiđ jieijâd tobdoid já mutteđ tom, maht lattiih.
Atâštâs feerim ulmuuh muštâleh videost (2:29), et magarijd tubdâmušâid já jurduid atâštâs sáttá šoddâdiđ sist.
Jurduuh, tobdoh já toimâm
Aargâ tilálâšvuođah pajedeh maaŋgâlágánijd tobdoid. Tobdoh pajaneh nuuvt jotelávt já automatlávt, et sáttá jurdeđ, et toh láá njuálgu čuávumušah ulguupiälásijn tábáhtusâin. Návt ij kuittâg lah, pic jurduuh já tilálâšvuođâst tohhum tulkkuumeh vaigutteh toos, et magareh tobdoh pajaneh.
Jieijâs oskomušâi vaiguttâs
Olmooš, kote juurdâš ovdil tehálii tábáhtume "mun pastam pyehtiđ jieččân ääši oovdân oskottetteht", ij tuođânálásávt kierdâ lijgemiärálii jierestume já atâštâs keežild. Roopâ tubdâmušah iä stuáru kierdâmettumin, veikkâ tilálâšvuotâ ličij-uv jiäráskittee.
Taggaar ulmust vist, kote juurdâš “vuoi ij, puohah vissâ jurdeh, et mun lam čyerbi”, te stressi- já atâštâstääsih sättih pajaniđ ollâgin. Tot puáhtá čuávvuđ ovdâmerkkân váimusparkkem lassaanmân, pivâstâhân, tuárgástâssáid já čuávjipohčâsáid.
Huámmáš:
Jieškote-uvlágán jurduuh já tobdoh piejih meid lattiđ siämmáá tilálâšvuođâst jieškote-uv náál: mađe vissásub tun lah alnestâd, te tađe jiešvissásubbooht tun tuođânálásávt lattiih.
Taam ohtâvuođâ tiäđustem lii vuossâmuš lävkki nubástusân!
Juurdâ
Tobdo
Roopâ tubdâmušah
Toimâ
Hárjuttâs: Tuubdâ tobdoid ropâstâd
Mondiet?
Tun aaicah, et kogo peht tuu roopâst atâštâs kulloo.
Ko lah aiccâm, et kogo peht roopâst atâštâs kulloo, te tun puávtáh hárjuttâllâđ kieđâvuššâđ roopâ tubdâmuš já ton peht atâštâs.
Ovdâmerkkân, jis
- atâštâs toovvât tekkikelduu -> tun puávtáh pyerediđ jieijâd vajo muásudâttâmhárjuttâsâiguin
- atâštâs hettee vuoiŋâm -> tun puávtáh pyerediđ jieijâd vajo vuoiŋâmhárjuttâsâiguin
Maht?
Čääli já kuvvii nuuvt tárkká ko máhđulâš, et kogo peht jieijâd roopâst tun tuubdah jieškote-uvlágán tobdoid.
Kuvvii meid tom, jis tobdo vuálgá mottoom fyysilii saajeest já nohá nuubán. Tánávt puáhtá leđe ovdâmerkkân talle, jis tobdo vuálgá ärdein já nohá uáivi tyehiuásán.
Tun puávtáh kevttiđ iššeen pdf-lahtos roppâkove tâi čäälliđ jieijâd huámášuumijd vuoluubel.
Kogo peht muu roopâst tobdoh kullojeh?
Mušte
Tun pastah mutteđ jieijâd toimâmvuovijd já jurdâččemmaalijd!
Tun finniih tađe várás tyejipiergâsijd taan jieštipšomohjelmist.