Jieštipšomohjelm

JUURDÂHÁRJUTTÂSAH

Taan uásist tun peesah porgâđ hárjuttâsâid, moiguin tun oopah hammiđ jurduidâd, tobdoidâd já toimâidâd. Hárjuttâsâi porgâmân kannat väridiđ rávhálii saje já ääigi.

Čuávuváá videost (2:54) atâštâs feerim ulmuuh muštâleh, et maht sij láá luhostum hammiđ atâštâs tovâtteijee juurdâmalijdis positivlubbon.

Ávháliih vyevih maŋgâsân láá lamaš iärrás lasseen jieijâs huolâjurdui hästim, huolâi kieđâvuššâm čälimáin já jieijâs painâttem atâšteijee tilálâšvuođáid.

Aalgâst lii pyeri koijâdiđ alnestis, et mondiet jiešalnees lii valjim tááláid vuovijdis toimâđ já jurdâččiđ.

Ovdedeh-uv muu jurdâččem- já toimâmvyevih tagarijd uulmijd, moid mun halijdâm čonâsiđ já maid anam merhâšitten?
Vuáđuduveh-uv toh rutináid? Tâi anam-uv taid velttimettumin kenigâsvuottân? Jis tun jurdâččah návt, te mondiet?
Lam-uv valjim taid jieččân kiäsuttume já naavcâi vuáđuld?
Ovdedeh-uv toh kuhes ääigi uáinust muu pyereestvaijeem?
Tooimâm-uv mun ulmuiguin, kiäh nanodeh muu vyeimivaarijd?

Kiäidnii nubástum lii älkkeb ko nubbijd. Iänááš ulmuid puárásist luoppâm rávkká monnii tásásijd torvottesvuotâtobdoid.