Jieštipšomohjelm

7. Vuáhádum jurduin meddâl

Juáháš taha motomin hoppuus tulkkuumijd já juurdâpuátusijd, moh tärkkilubbooht keejân iä lah jiärmáliih. Atâštâs sáttá hiäjusmittiđ naavcâ jurdâččiđ maaŋgâpiälásávt já njyebžilávt, já talle tágárij feilâtulkkuumij tuođânálásâšvuotâ lassaan.

Veikkâ aicâččij, et miinii huolâid ij veltihánnáá lah jiärmálâš, te tot sáttá kuittâg orroođ uáli tuođâlâžžân.

Vuoluubeln láá ovdâmeerhah almos atâštuumeest távjá tiättojeijee automatlijn jurduin. Siämmást ko luuvah listo, te tun puávtáh smiettâđ, et aaicah-uv tággáár jurdâččem alnestâd já puátih-uv mielân ovdâmeerhah jieijâd elimist. Tast maŋa tun puávtáh smiettâđ, et maht tilálâšvuođâin puávtáččij jurdâččiđ eresnáál.

Hárjuttâs: Vuáhádum jurduin meddâl

Mondiet?

Huolâi hästim lii táiđu, mon puáhtá máttááttâllâđ. 

Almos atâštâshemâdâsâst tiättojeh távjá automatliih jurduuh. Ko tun oopah aiccâđ täid jurduid, te tun puávtáh oppâđ meiddei tutkâđ toi tuođâmiäldásâšvuođâ. 

Maht?

Luuvâ paajaapiäláá listo. Smietâ, et aaicah-uv tággáár automatlii jurdâččem alnestâd.

Jis aaicah jurduid, te tun puávtáh čäälliđ toid lohtâseijee ovdâmeerhâid jieijâd elimist. Smietâ siämmást, et maht puávtáččih tain tilálâšvuođâin jurdâččiđ eresnáál.

Loading ...
Sirduu oovdeb siijđon 8. Čuolmâčuávdim