Jieštipšomohjelm
3. EVVISEH JOOĐHÂ VÁRÁS
Mielâ tavdâmeerhah, tego atâštâs, sättih hettiđ eellim já aargâ merhâšitteht. Ko tavdâmeerhah láá ložžim, te toh kuittâg sättih pyehtiđ elimân meid ávhálijd uáinimčievâid já tuágádâsâid.
Maaŋgâs lii huámášâm taam, ko lii orostâm kieđâvuššâđ jieijâs unohâs tobdoid. Videost (2:52) atâštâs feerim ulmuuh muštâleh, et ovdâmerkkân jieštubdâmuš lii lasanâm váduhis vuáttámušâi maŋa.
Sunde ovdâskulij
Tuáivu mield tun kavnih taan ohjelmist tyejipiergâsijd já hárjuttâsâid, moh oroh ávhálâžžân tunjin já moiguin tun pastah kieđâvuššâm atâštume tobdoid já luhostuđ haldâšiđ taid pyerebeht.
Hárjuttâs taha miäštár
Tego puoh uđđâ tááiđui hárjuttâlmist, meid atâštâs tyejipiergâsij oppâmist ovttuu juátkojeijee hárjuttâllâm lii tehálâš. Ko tun hárjuttâlah tyejipiergâsij kevttim vistig älkkees tilálâšvuođâin, te toh pyehtih išediđ tuu kuuloold meid vaigâdub tilálâšvuođâin, main tobdoh láá väldimin liijkás stuorrâ vääldi.
Hárjuttâllâm puáhtá verdidiđ vuoijâm máttááttâlmân
Vuoijâmteknik kalga máttááttâllâđ cuávis čääsist, já talle vuoijâmtááiđu puáhtá nanodiđ torvolijn tiilijn. Ko táiđu lii tuárvi pyeri, te tun puávtáh vuoijâđ meid hástulub tiilijn, tego čieŋâlis čääsist tâi stormâšoŋŋân.
Hárjuttâllâm puáhtá leđe eromâšávt algâmuddoost vaibâdittee. Tondiet lii tehálâš, et tun palhâšah jieijâd moinnii hiäivulijn vuovvijn, ko lah hárjuttâllâm tiätu tyejipiergâs ovdâmerkkân oho verd.
Smietâ, et mii puávtáččij leđe tunjin hiäivulâš palhâšume. Ovdâmeerhah paalhâšmist láá mielâmuusik kuldâlem, kirje luuhâm, muásudeijee eehid viettim tâi skipárân suáittim. Tehálâš lii kavnâđ eidu tunjin hiäivulii vyevi.