Iešdikšunprográmma
Buori miela lasiheapmi árgabeaivái
Olbmuin leat stuorra erohusat streassa gierdannávccain, ja lea buorre oahppat dovdát iežat rájáid. Jus fuomášat, ahte geavahat menddo olu áiggi áššiide, mat golahit návccaid, de gánnáha dárkkodit iežas árgabeaivvi ja giddet fuomášumi áigegeavaheami dássededdui.
Jus eallimis ii leat doarvái áigi áhpáiduvvat ja lotkkiidit, de dat sáhttá dagahit ovdamearkka dihtii
- oadduma, earduma ja váibasiid
- muitinváttisvuođaid ja čiekŋunmáhtu geahnohuvvama
- govttohis fuolastuvvama dahje áŧestusa
- ahte ii nagot álggahit doaimmaid
- ahte ii beroš áššiin, maid lea ovdal vásihan vuogasin
Mii buktá aiddo dutnje ilu?
Lea hui individuála, mas guđege olmmoš návddaša. Leage dehálaš, ahte dieđát, mat áššit buvttadit ilu aiddo dutnje. Dat sáhttet leat ovdamearkka dihtii
- buorre girjjiid lohkan
- ealligovaid geahččan
- searvedoaimmaide oassálastin
- ustibiid deaivvadeapmi
Suokkardala maiddái, lasihitgo du válljen áššit du buresveadjima maiddái guhkit áigegaskkas. Go lea oddon, de soaitá hearkkit doarjalit vahátlaš hoahppočovdosiidda. Ovdamearkka dihte jeđđehusborran, alkohola, áittaspealut dahje neahta bláđen sáhttet veháš áigái ložžet dili, muhto guhkit áigegaskkas hehttet.
Viečča inspirašuvnna earáid vásáhusain
Filmmas (2:45) áŧestusa vásihan olbmot muitalit ovdamearkkaid áššiin ja doaimmain, main sii návddašit ja ožžot fámuid árgabeaivvis.
Okta tipsa lea maid plánet vuogas astoáigge doaimma ovddalgihtii, vai dat sihkkarabbot ollašuvašii.
Hárjehus: Buorre miela áiti – Main áššiin don návddašat?
Manin?
Buorre miella veahkeha nagodit eallima geatnegasvuođaid.
Dán hárjehusas oahpat dovdát áššiid, mat lasihit buorre miela du árgabeaivásat.
Mot?
- Ráhkat listtu áššiin, mat du mielas leat suohttasat. Muittaš listtu ráhkadettiinat áššiid, mat leat buktán dutnje buori miela ovdal. Ále eaktut, ahte dat galggašedje juste dál buktit buori miela. Sáhtát maid suokkardallat áibbas ođđa doaimmaid. Geahččal jurddašit nu máŋga uhca ja konkrehtalaš ášši go vejolaš.
- Bija listtu oidnosii vaikko jiekŋaskábe uksii.
Lea dávjá álkit gávdnat suohtas áššiid, go lea duđavaš mielladilis.
Mu buorre miela áiti
Muitte
Sáhtát váikkuhit iežat buresveadjimii hui oktageardánis beaivválaš áššiid bokte.
Árgabeaivái gánnáha čáhkadit áššiid, mat buktet buori miela. Dat veahkeha veadjit eallima geatnegasvuođaid.