Jiõččhåidd-programm

Ǩiõrddâmvuâla tååʹsǩ tobddi koʹlle jieʹllma. Tõk liâ siisklõõžž nääʹll puʹhtted õlmmsa vueiʹtlvaž vaarâst da tuõʹlljed tåimmamvaalmâšvuõđ.

Nääiʹt tåʹsǩǩ vieʹǩǩat veäʹltted vaarlaž vuõʹjjid da taarbšeen tåimmad täin vuõʹjjin jåʹttlânji da viõkkšânji.

Tååʹsǩ ääuʹǩ

Kuäʹss-ne tåʹsǩǩ vieʹǩǩat fiʹttjed, što mii-ne âlgg tuejjeed nuuʹbbnalla. Tät vuäitt jååʹđted pueʹrrjieʹllem pueʹreei jieʹllemmuttsid. Jõs ouddmiârkkân aarǥ ǩirrlažvuõtt põhtt tååʹsǩ, vuäitt tuuʹššes reeisai ǩieʹppummuš vieʹǩǩted määŋgvuâra.

Hääitlaž tåʹsǩǩ

Kuäʹss-ne tåʹsǩǩ mottai mååžnteʹmes kõrrsen, jiõk vueiʹt tõn tuõʹlljed leʹbe tõt mottai kuʹǩesäiggsiʹžžen. Tåʹsǩǩ ij-ni jååʹđet tåimmjummuž räʹtǩǩummsid pueʹrab årra pâi häitt juõʹǩǩpeivvsaž jieʹllem. Täʹl tåʹsǩǩ lij häittjeei ij-ǥa suõjjleei tobddmõš.

Tååʹsǩ vuäinnam oummu mainste videost (2:29), måkam tobddmõõžžid da jurddjid tåʹsǩǩ vuäitt puʹhtted seeʹst õlmmsa. 

Jurddi, tobddi da tåimmjummuš

Aarǥ vueʹjj cåuʹnne jeeʹresnallšem tobddjid. Tobddi puäʹtte nuʹt jåʹttlânji da automaattlânji, što tõi vuäitt juʹrdded leämmaž vuõigg seuʹrrjummuž åålǥlaž šõddmõõžžin. Nääiʹt ij kuuitâǥ leäkku, pâi jurddi da vueʹjjest tueʹjjuum toʹlǩǩummuž vaaikte tõõzz, måkam tobddi eʹtte.

Jiijjad åskkmõõžži vaaiktõs

Ooumaž, kååʹtt smeâtt ooudbeäʹlnn tääʹrǩes šõddmõõžž ”pââstam čuäʹjted äššan ååskteeʹl”, ij tuõđi ääʹššest toobd leigga jieʹrštõõvvmõõžž da tååʹsǩ. Vaard tobddmõõžž jiâ šõõdd samai ǩiõrddteʹmmen, håʹt-i vueʹǩǩ jieʹršteʹče.

Tõn sâjja oummust, kååʹtt jõrdd”vuõi ij, puk teâđast âʹnne muu nåkkmen, što jiõm ââʹnet ni koozz”, vueiʹtte streʹss- da tåʹsǩǩtääʹzz šorrned. Tät vuäitt jååʹđted ouddmiârkkân čââʹđpâârktõõzz kaggõõttmõʹšše, piustõõvvmõʹšše, tuäʹrjstõʹsse da čåuʹjjčuâccmõʹšše. 

Vuâmmaž:

Jeeʹresnallšem jurddi da tobddi vuäǯǯa še jälstõõttâd seämma vueʹjjest jeeʹresnalla: mõõn jiõččsnäätnʼjen jiijjad vuäinak, tõn ååskteeʹjen tuõđeʹld tååimak.

Tän õhttvuõđ teâđstummuš lij vuõssmõs läuʹǩǩ muttsa!