Iešdikšunprográmma
3. RÁVVAGAT BOAHTTEVUHTII
Miela symptomat, dego áŧestus, sáhttet hehttet eallima ja árgabeaivvi ollu. Go symptomat leat láivon, dat sáhttet goittotge buktit eallimii maiddái ávkkálaš geahččanguovlluid ja bottožiid, go heahkka fuomáša juoidá.
Olusat leat fuomášan dán, go leat orustan gieđahallat iežaset unohis dovdduid. Filmmas (2:52) áŧestusa vásihan olbmot muitalit ovdamearkka dihtii, ahte iešdovdamuš lea lassánan hástaleaddji vásáhusaid mielde.
Ovddosguvlui
Sávvamis gávdnet dán prográmmas bargoreaidduid ja hárjehusaid, maid vásihat alccesat ávkkálažžan ja maiguin basttát gieđahallat áŧestusa dovdduid ja hálddašit daid buorebut.
Hárjehallamiin šattat čeahppin
Dego buot ođđa dáidduid oahpahallamis, maiddái áŧestusa bargoreaidduid oahppamis lea dehálaš hárjehallat bistevaččat. Go hárjehalat geavahit bargoreaidduid álggus álkes diliin, dat sáhttet veahkehit du vehážiid mielde maiddái váddásut diliin, main dovddut leat vuoitimin.
Hárjehallama sáhttá veardidit dasa, ahte oahpahallá vuodjat.
Vuodjanteknihka ferte oahpahallat coages čázis, ja dasto vuodjanmáhttu nannejuvvo dorvvolaš diliin. Go dáidu lea doarvái buorre, sáhtát vuojadit maiddái eambbo hástaleaddji dilálašvuođain, dego čiekŋalut čázis dahje dakkár dálkin, go lea eanet stoarbma.
Hárjehallan sáhttá leat erenomážit álggus lossat. Danin lea dehálaš, ahte bálkkašat iežat muhtin vuogas vugiin, go leat hárjehallan dihto bargoreaiddu ovdamearkka dihte vahku.
Smiehta, mii sáhtášii leat dutnje vuogas bálkkašupmi. Ovdamearkkat bálkkašeapmái leat jiellatmusihka guldaleapmi, girjji lohkan, lotka eahket dahje riŋgen skihpárii. Dehálaš lea gávdnat aiddo dutnje heivvolaš vuogi.