Jiõččhåidd-programm

Puõʹtti videost (1:20) kuulak, mäʹhtt jiijjad pueʹrrjieʹllem vuäitt ââʹnned âʹlnn jiõččhåidd-prograamm mâŋŋa.

Tuäiv mieʹldd leäk kaunnâm tän prograammâst teâđaid, ođđ jurddjid da tuâjjneävvaid, kook vieʹǩǩte tuu ǩiõttʼtõõllâd da tuõʹllstõõllâd tååʹsǩ. Jiõccsad suåppi tobddjeei harjjtõõzzi tuâj kaʹnnat juäʹtǩǩed še puõʹttiääiʹjest. Ǩiʹdde juätkast vuâmmšõõzz še jiijjad aarǥ tuõʹllʼjummšad, da ǩiccâl ââʹnned huõl jijstad pueʹrmõs vueiʹtlvaž naaʹlin.

Seän jiõccsad vuâŋŋampeeiʹvid, da plaanâd tõid juʹn ooudbeäʹlnn. Plaanâd neäʹttelkalenteera še pooddid liikkummša da miõllsaž tåimmjummša.

Koʹst vieʹǩǩ?

Mäʹhtt tååimam, jõs jiõččhåidd-programm ij riʹjttjam?

Jõs tåʹsǩǩvuõtt viõkkšââvv oouʹdbust leʹbe vuäinak häittam tåimmamoodd da jieʹllemšlaaj, raauk vieʹǩǩ tâʹlles. Jõs tuʹst lij juʹn håiddkontaktt, maainâst tobddmõõžžin jiijjad ämmat-tuâjjliʹžže.

Jõs tuʹst ij leäkku håiddkontaktt, lij tåʹsǩǩvuõđâst vuâđđtiõrvâsvuõtthuâll täujja pueʹrmõs toiʹmmjeei. Vuâđđtiõrvâsvuõtthuõllu koʹlle jeäʹrbi mieʹldd tiõrvâsvuõttsâjldõõǥǥ, tuâjjtiõrvâsvuõtthuâl da privaatt dåhttarsâjldõõǥǥ. Lââʹssteâđ vieʹǩǩ ooccmõõžžâst käunnʼje miõlltiõrvâsvuõttkääzzkõõzz-vueʹzzest.

Neʹtt-terapia

Jõs vuäinak, što pieʹssiǩ šiõǥǥ aʹlǧǧe, leša haaʹlääk ravvsab tueʹrj, vuäitak saǥstõõllâd dåhttrin neʹtt-terapia vueiʹtlvažvuõđâst.

Neʹtt-terapia lij jiijjad teâttmašinast leʹbe toolkaparaattâst čõõđtem håidd, koʹst terapeuʹtt stään jiõččvälddsaž ouddnummuž. Neʹtt-terapiast ǩiõttʼtõõlât vuässas seämma teemaid ǥu tän håidd-prograammâst da piâzzak tueʹjjeed lââʹzz harjjtõõzzid.

Terapia tueʹjjeet juõʹǩǩneättel, da tõn peštt lij nuʹt 3–4 määnpââʹj. Terapiast juätkak vaiggâdvuõđi tuʹmmjummuž da mättʼtõõđak ođđ tåimmam-maallid teâttsiiskõõzzi, videoi da harjjtõõllmõõžži veäkka. Neʹtt-terapiain liâ vuõiʹǧǧest tillʼlõõveeʹl vuõǯǯum seämmanalla pueʹr puättmõõžž ǥu õʹhttečõõʹlmi čõõđviikkâm psykoterapiast.

Neʹtt-terapia peäss täujja altteed neäʹttel seʹst tõʹst, ǥu dåhttar lij ǩeeʹrjtam vuõlttõõzz.

Jeeʹres äukkai jiõččhåidd-prograamm