Jiõččhåidd-programm

JUURDHARJJTÕÕZZ

Tän vueʹzzest piâzzak tueʹjjeed harjjtõõzzid, kooi veäkka mättjak muʹtted jurddjääd, tobddjääd da tåimmjummšad. Harjjtõõzzi raajjmõʹšše kaʹnnat vaʹrrjed rääuhlõs päiʹǩǩ da äiʹǧǧ.

Puõʹtti videost (2:54) tååʹsǩ tobddâm oummu mainste, mäʹhtt sij liâ oʹnnstam muʹtted tååʹsǩ šõõddtem juurdmaalleez positiivliʹžžen.

Äukkai kuånst määŋgaid liâ leämmaž jeäʹrbi mieʹldd jiijjâz huõlljurddji ǩeâštʼtõõllmõš, huõli ǩiõttʼtõõllmõš ǩeeʹrjteeʹl da jiijjâs sättmõš tååʹsǩnallšem vuõʹjjid.

Aalǥâst lij šiõǥǥ kõõččâd jijstes, mõʹnt vuõiʹǧǧest säärneeʹl lij vaalšam ânnʼjõž naaʹleez tåimmad da juurdčed.

Oouʹdee-a juurdčem- da tåimmamnäällan nåkam vueiʹvvmeäʹrid, koid haaʹlääm čõnnõõttâd da koid vuäinam miõllsiʹžžen?
Vuâđđâʹvve-a tõk rutiinid? Avi vuäinam-a tõid taarbliʹžžen õõlǥtõssân? Jõs juurdčak nääiʹt, ni mõʹnt?
Leäm-a vaalšam tõid miõlǩieʹssem da ooddään vuâđald?
Oouʹdeei-a tõk kuʹǩes ääiʹjest pueʹrrjieʹllem?
Tååimam-a oummuivuiʹm, kook nâânee viõkkvääraid?

Ǩeäid-ne muuttâs lij hiâlpab ǥu nuuʹbbid. Määŋgaid vuäʹmm aaʹššin luõppmõš cåunn mõõn-ne täässʼsaid tuõrvteʹmesvuõtt-tobddjid.