Teâđ kääzzkõõzzin

Miõltiõrvâsvuõttpõrtt lij neʹttkääzzkõs, kååʹtt taʹrjjad miõltiõrvâsvuõʹtte õhttneei teâđaid nuʹt meerlaid ǥu sosiaal- da tiõrvâsvuõttsueʹrj ämmatoummuid. Mielenterveystalo.fi-neʹttseiddõõzz âʹlnnâânnmõõžžâst vaʹsttad HUS. 

Teâđ raajjivuõiggâdvuõđin 

Mielenterveystalo.fi-neʹttseiddõs lij juâkksa õõʹni friijâld ââʹnnemnalla.

Neʹttkääzzkõõzz aunstõõzz raajjivuõiggâdvuõđ koʹlle HUSʹsse da siiskõõzzid puuʹtʼteei õhttsažtuâjjtaaurõõžžid. Mielenterveystalo.fi-seiddõõzz siiskõõzzid vuäitt liiŋkted friijâld. Liiŋk õhttvuõʹtte vuäitt laiʹnnʼjed seeid čiõʹlǧǧõʹsse suåppi käpplõõǥǥid. Neʹttseeid addrõõzz âlgg kuâsttjed õõlmtõõzzin ååʹblǩest www.mielenterveystalo.fi/viittaavan-sivun-nimi. 

Teʹksttsiiskõõzzid, videoid, jiõntõõzzid, snimldõõǥǥid da jeeʹres graaflaž materiaal ij vuäǯǯ ââʹnned pååđlååʹvtaa. 

Seiddõõzz tåimmjummuš da siiskõõzzi ääiʹjtäässʼsažvuõtt 

Õõʹnni vuäitt taʹrǩstõõllâd mielenterveystalo.fi-seiddõõzz teâttmašinain leʹbe jeeʹres väʹlddaparaattin friijâld ǩeeʹrjtõõđǩani. Mielenterveystalo.fi-seiddõõzzâst liâ liiŋktummuž jeeʹres vuâlain tåimmai kääzzkõõzzid, koin ǩeeʹrjtõõttmõõžž õõlǥtet (ouddmiârkkân neʹtt-terapia). 

Ämmatõõʹni âlgg tobddeed HUS HAG -tobddeemkääzzkõõzz pääiʹǩ ââʹneeʹl kääzzkõõzz ämmatoummuid tillʼlõvvum siiskõõzzid. HAG-kääzzkõʹsse vuäitak tobdstõõttâd kääzzkõõzz jiijjad ââʹnnem-määinain.

HUS ǩiččlââtt ââʹnned neʹttseiddõõzzâst åårrai teâđaid vuõiggân da peeiʹvtumnalla di ainsmââʹttet seiddõõzz teeknlaž toiʹmmjemvuõđ. Teeknlaž määinain neʹttseiddõõzzâst åårrai teâđ vuõiggâdvuõđ, mottjeteʹmesvuõđ da ääiʹjtäässʼsažvuõđ jeäʹt kuuitâǥ vueiʹt pukin vuõʹjjin täʹǩǩeed. 

HUS tuõʹllai jiõccses vuõiggâdvuõđ tuejjeed seeidaid muttsid taarbšeen leʹbe rääʹjted tõid piâssmõõžž pääkkteei määinain. HUS ij täʹǩǩed tõn, što seeidaid vueiʹtet ââʹnned årstâttǩani, ij-ǥa vaʹstted ni koon neʹttseeidai âânnmõõžžâst vueiʹtlvânji šõddâm hääitast. 

Mielenterveystalo.fi-seiddõõzzâst liâ liiŋk kuälmad vueʹssbeäʹli âʹlnnââʹnnem seeidaid. HUS ij vaʹstted åålǥbeällsai seiddõõzzi siiskõõzzin ij-ǥa vuällamvuõđâst. 

Seiddõõzzâst vuâmmšum siiskõs- leʹbe teeknlaž võõʹjjin raaukât iʹlmmted seiddõõzz maacctemlomaakkin. 

Jeäʹvstõõzz da seeidast ââʹnnemvuâla prograamm 

Jeäʹvstõõzz 

Mii lij jeäʹvstõs?

Jeäʹvstõs (cookie) lij uuʹcces teʹkstt-teâttõs, kååʹtt ruõkkjââvv õõʹni väʹlddaparaʹtte. Jeäʹvstõõzzi veäkka kääzzkõs tåimm teeknlânji plaaneem naaʹlin. Lââʹssen jeäʹvstõõzzi teâđaid vueiʹtet ââʹnned seiddõõzz ââʹnnemõhttõõzz da ââʹnnemtoobdâlm pueʹrummša di jooʹttimeäʹri statistiikklaž seuʹrrjummša. Vueʹlnn liâ listtuum kääzzkõõzzâst ââʹnnemvuâla jeäʹvstõõzz. 

Måkam jeäʹvstõõzzid kääzzkõõzzâst ââʹnet?

Kääzzkõõzzâst ââʹnet taarblaž tåimmamnallšem jeäʹvstõõzzid, miõlstõõvvâmeäʹvstõõzzid di analytikkjeäʹvstõõzzid. 

Taarblaž jeäʹvstõõzz vueiʹtlvâʹstte seeid tåimmjummuž. Taarblaž teeknlaž jeäʹvstõõzzid jeäʹt noor jeäʹt-ǥa ruõkk õõʹni õhttlõõvvi persoonteâđaid. Õõʹnni vuäitt cõggâd jeäʹvstõõzzi ââʹnnem plaađnjes asetõõzzin. Seiddõõzz âânnmõš jeäʹvstõõzzitaa vuäitt kuuitâǥ vaaikted seeidai tåimmamnallšemvuõʹtte. 

Miõlstõõvvâmjeäʹvstõõzz taʹrjjee neʹttseiddõʹsse vueiʹtlvažvuõđ ruõkkâd teâđaid, koin tuejjeed neʹttseeid ålggvueʹjj leʹbe jälstõõttmõõžž õõʹni mieʹldd. Tät vuäitt ââʹnned seʹst vaalšum valuutt, vuuʹd, ǩiõl leʹbe euʹnnteema ruõkkmõõžž. Miõlstõõvvâmjeäʹvstõõzzi ââʹnnma raaukât õõʹnnʼjest lååʹv seiddõõzz jeäʹvstõstuâjjkääuʹnest seiddõʹsse puäʹđeen da tõin lij vueiʹtlvaž ǩeâlddõõttâd. 

Lââʹssen seiddõõzzâst ââʹnet analytikkjeäʹvstõõzzid seiddõõzz ââʹnnemõhttõõzz da ââʹnnemtoobdâlm pueʹrummša di jooʹttimeäʹri statistiikklaž seuʹrrjummša. Še analytikkjeäʹvstõõzzi ââʹnnma raaukât õõʹnnʼjest pååđlååʹpp jeäʹvstõstuâjjkääuʹnest. 

Õõʹnni vuäitt muʹtted jeäʹvstõsasetõõzzeez kuäʹss täättas Jeäʹvstõsasetõõzz -vaʹljstõõǥǥâst. 

Drupal 

Drupal lij siiskõõzzvaaldšemriâžldõk, koin mielenterveystalo.fi -neʹttseiddõõzz âʹlnnââʹnet da čiõʹlǧǧeet õõʹnnʼjid. Drupal ij ruõkk seiddõõzz õõʹnnʼjin ni måkam persoonteâđaid. 

Matomo 

Matomo lij programm, koin noorât teâđaid mielenterveystalo.fi-seiddõõzz ââʹnnmest. Tõin seuʹrrjet tåimmjummuž di seiddǩiččmõõžžid (ouddm. miõllsummus siiskõõzz, jäänmõsân õnnum väʹlddaparaatt da išttmõõžž pešttmõš). Teâđaid noorât ââʹnnem statistikâʹsttem da kääzzkõõzz ooudâsviikkmõõžž vääras. Norrum teâtt, mâta õõʹnnʼji IP-addrõõzz, liâ anonymisõsttum di ij teâđain vueiʹt nääiʹt tobdsted tiõttum õõʹni di ij-ni IP-addrõõzz.  

Matomoin seuʹrrjet še õõʹnnʼji teeivtem jânnamtiõđlaž sâjjõõzz anonymisõsttum IP-addrõõzzid vuâđđõõveeʹl. Tän teâđ vuâđald seuʹrrjet ouddm. seiddõõzz ââʹnnemtääʹzz jeeʹres beäʹlnn Lääʹddjânnam. 

Google Tag Manager 

Google Tag Manager -tuâjjkääuʹn ââʹnet Matomo da seiddõõzzâst ââʹnnemvuâlai koodd vaaldšummša. Google Tag Manager ij ruõkk ni måkam teâđaid jiõčč seiddõõzz õõʹnnʼjest, ij-ǥa ruõkk õõʹni väʹlddaparaʹtte jeeʹres ǥu seiddõõzz teeknlaž tååimaid õhttneei teâđaid. 

Lââʹssteâđaid kaaunak tääiʹben.

Google Search Console 

Google Search Console -tuâjjkaauʹnin seuʹrrjet, måkam Google-ooccâm-mašinaooccmõõžžin õõʹni puäʹtte neʹttseiddõʹsse. Tuâjjkäuʹnn ij ruõkk teâđaid seiddõõzz õõʹnnʼjin. 

 

Seeid siiskõs lij peeiʹvtum tâʹl 31.10.2022