Skip to main content

Jiõččhåidd-programm

8. Vaiggâdvuõđräʹtǩǩummuš

Tåʹsǩǩvuõʹtte kooll täujja tõt, što vaiggâdvuõđlaž vuõʹjjid veäʹlttõõlât tõn sâjja, što tõid ǩiččleʹčeš räʹtǩǩeed. Tõt vaiggâtt jiijjâs jieʹllem, ǥu vaiggâd vueʹjj puäʹtte veiʹǩrdõõđǩani ouʹdde.

Hueʹnes da vaiggâd vuõʹjjin ij vueiʹt veäʹltted obbnes, ij-ǥa peʹcclõõššmõš räʹtǩǩed vaiggâdvuõđid. Ååʹn mättjak ođđ, toiʹmmjeeʹjab naaʹlid, koin vaiggâdvuõđid vuäitt räʹtǩǩeed.

Viõkkšõs vaiggâdvuõđräʹtǩǩummuš nårrai kuuđâst jeeʹres pââʹjest

  1. Vaiggâdvuõđ meäʹrtummuš: koʹst lij kõõččmõš?
  2. Täävtõõzz meäʹrtummuš: Mäʹhtt haaʹlečim tän rätkkjem?
  3. Räʹtǩǩeemvaajtõsmääinai listtjummuš: liʹstte puk miõʹlle puõʹtti räʹtǩǩeemvaajtõsmääinaid. Jeäʹl ååʹn smiõtt, liâ-a tõk pueʹr da toiʹmmjeei.
  4. Pueʹrmõõzz räʹtǩǩummuž vaalšummuš: teev oouʹdab pääiʹǩ liist kueʹđeeʹl tåʹlǩ tåimmai jurddjid. Vaalâž täin pukin pueʹrmõs.
  5. Raajjmõõžž plaanummuš: plaanâd, mäʹhtt, koʹst da kuäʹss viiǥǥak čõõđ räʹtǩǩummuž.
  6. Raajjmõõžž ärvvtõõllmõš: määcc raajjmõõžž mâŋŋa ärvvtõõllâd, mäʹhtt räʹtǩǩummuš oʹnnsti. Jõs räʹtǩǩummuš ij tåimmam, vaalâž ođđ räʹtǩǩummuš.

Harjjtõs: Vaiggâdvuõđ räʹtǩǩummuž pââʹj

Mõʹnt?

Tän harjjtõõzzâst mättjak smiõttâd njueʹbǯlânji da realiistnalla pukid jeeʹresnallšem vaajtõsmääinaid, koin vaiggâdvuõđid vuäitt räʹtǩǩeed. Vuäinak, što vueʹǩǩ vuäitt ouddned še jeeʹres ǥu pâi hueʹnes naaʹlivuiʹm.

Mäʹhtt?

Puätt-a miõʹlle ååʹn mii-ne miõl tieʹddi vaiggâdvuõtt? Vuäitak ååʹn harjjtõõllâd vaiggâdvuõđräʹtǩǩeemtääidaid smiõtteeʹl vaiggâdvuõđääd kuõskki paaiʹǩid 1–5.

Täujja vueʹǩǩ lij hiâlpab åblkâʹstted, jõs tueʹjjääk harjjtõõzz ǩeeʹrjteeʹl juõʹǩǩ pââʹj vasttõõzzid põʹmmja, teʹlfooʹne leʹbe teâttõʹsse.

1. Vaiggâdvuõđ meäʹrtummuš - koʹst lij kõõččmõš? 

Loading ...

2. Täävtõõzz meäʹrtummuš - mäʹhtt haaʹleʹčim tän räʹtǩǩeem? 

Loading ...

3. Räʹtǩǩeemvaajtõsmääinai listtjummuš

Liʹstte puk miõʹlle puõʹtti räʹtǩǩeemvaajtõsmääinaid. Jeäʹl veâl smiõtt, liâ-a tõk šiõǥǥ leʹbe toiʹmmjeei.

Loading ...

4. Pueʹrmõs räʹtǩǩummuž vaalšummuš

Teev oouʹdab pääiʹǩ liist kueʹđeeʹl tåʹlǩ toiʹmmjeei jurddjid. Vaalâž täin pukin pueʹrmõs.

Loading ...

4. Pueʹrmõs räʹtǩǩummuž vaalšummuš

Teev oouʹdab pääiʹǩ liist kueʹđeeʹl tåʹlǩ toiʹmmjeei jurddjid. Vaalâž täin pukin pueʹrmõs.

Loading ...

6. Raajjmõõžž ärvvtõõllmõš:

Määcc raajjmõõžž mâŋŋa ärvvtõõllâd, mäʹhtt räʹtǩǩummuš oʹnnsti.

Loading ...

Takaivuâkkõõzz toiʹmmjeei vaiggâdvuõđräʹtǩǩummša

Alttâd vaiggâdvuõđin, koid vuäitak räʹtǩǩeed täʹst da ååʹn

Jueʹjj räʹtǩǩummuš kõskktäävtõõzzid, koid ǩiččlõõđak õõuti õõuti. Vuäitak harjjtõõllâd mâʹŋŋlubun še ääiʹjviikki räʹtǩǩummsid.

Vaʹrre vaiggâdvuõđräʹtǩǩummša ääiʹj, da ǩeeʹrjet pââjas puk põõʹjid

Vuäitak ââʹnned tääzz ouddmiârkkân huõllpooddid.

Harjjtõõl vaiggâdvuõđi tobdstummuž, što vuäitak räʹtǩǩeed tõid ääiʹjbeäʹlnn

Ǩiõldlaž tobddi čiõlǥte täujja vaiggâdvuõđin. Jõs tobdstak tuʹst counnâm ouddmiârkkân suttmõõžž, pââl leʹbe tååʹsǩ, ǩiõččâl tâʹlles smiõttâd, måkam vaiggâdvuõđâst tät tuʹnne puätt. Jõs vaiggâdvuõđ ij toobd, ij tõn pââʹst ni räʹtǩǩeed.

Muuʹšt

Tååʹsǩ tobddi oudsmååust aaʹšši joortummuš čiŋlmââvv tõõzz, mii vuäitt mõõnnâd tuʹšše.

Peʹcclõõššmõš ij räʹtǩǩed vaiggâdvuõđid.

Vaiggâdvuõđräʹtǩǩummšest âʹpet tuʹmmjet njueʹbǯlânji da realiistnalla pukid jeeʹresnallšem vaajtõsmääinaid, ij tåʹlǩ hueʹnes seuʹrrjõõzzid.

Puõʹttjen cõõjõõđât mââimõs vuässa, koʹst veâl vuäǯǯak siõmmna jeäʹvvsid juätkka.