Iešdikšunprográmma
8. Čuolbmačoavdin
Čuolmmalaš diliid ii sáhte garvit ollásit, iige morašteapmi čoavdde čuolmmaid. Dál oahpat ođđa, buoret vugiid, maiguin čuolmmaid sáhttá čoavdit.
Beaktilis čuolbmačoavdimis leat guhtta muttu
- Čuolmma meroštallan: mas lea sáhka?
- Mihttomeari meroštallan: mot háliidivččen, ahte dát čoavdašuvvá?
- Čoavddusmolssaeavttuid listen: čále buot čoavddusmolssaeavttuid, mat bohtet du millii. Ále dán muttus smiehta, leatgo dat buorit ja doibmetgo dat.
- Buoremus čovdosa válljen: guođe ovddit listtus eret guođđimiin dasa ideaid, mat doibmet. Vállje dain buoremusa.
- Ollašuhttima plánen: pláne mot, gos ja goas ollašuhtát čovdosa.
- Ollašuhttima árvvoštallan: máhca ollašuhttima maŋŋá árvvoštallat, mot čoavddus lihkostuvai. Jus čoavddus ii doaibman, vállje ođđa čovdosa.
Hárjehus: Čuolbmačoavdima muttut
Manin?
Dán hárjehusas oahpat suokkardallat njuovžilit ja realisttalaččat buot iešguđetlágan molssaeavttuid, maiguin sáhtát čoavdit čuolmmaid. Oainnát, ahte dilli sáhttá ovdánit earáge go fuones vugiiguin.
Mot?
Boahtágo dus dál millii mii nu čuolmmaid, mii deaddá du miela? Sáhtát dál hárjehallat čuolbmačoavdindáidduid smiehttamiin du čulbmii guoski čuoggáid 1–5.
Dávjjimusat dili lea álkit áddet, jus barggat hárjehusa čállimiin guđege muttu vástádusaid báhpárii, telefovdnii dahje fiilii.
1. Čuolmma meroštallan – mas lea sáhka?
2. Mihttomeari meroštallan – mot háliidivččen, ahte dát čoavdašuvvá?
3. Čoavddusmolssaeavttuid čállin
Čále buot čoavddusmolssaeavttuid, mat bohtet du millii. Ále vuos suokkardala, leatgo dat buorit dahje doibmetgo dat.
4. Buoremus čovdosa válljen.
Guođe ovddit čuoggá listtus eret ja seastte ideaid, mat doibmet. Vállje dain buoremusa.
5. Ollašuhttima plánen
Pláne mot, gos ja goas ollašuhtát čovdosa.
6. Ollašuhttima árvvoštallan
Máhca ollašuhttima maŋŋá árvvoštallat, mot čoavddus lihkostuvai.
Váldonjuolggadusat doaibmi čuolbmačoavdimii
Álggat čuolmmaiguin, maid sáhtát čoavdit dás ja dál
Juoge čovdosa oassemihttomeriide, maidda fikkat okta hávális. Sáhtát hárjehallat maŋŋelabbos maiddái dakkár čovdosiid, mat váldet eanet áiggi.
Várre čuolbmačoavdimii áiggi, ja čále buot muttuid
Sáhtát geavahit dása ovdamearkka dihtii fuollabottuid.
Hárjehala čuolmmaid dovdáma, vai sáhtát čoavdit daid áiggil
Negatiivvalaš dovddut muitalit dávjjimusat muhtin čuolmmas. Jus dovdát dus badjána ovdamearkka dihtii suhttu, ballu dahje áŧestus, geahččal seammás jurddašit, man čuolmmas dát dovdu muitala dutnje. Jus čuolmma ii dovdá, de dan ii sáhte maiddái čoavdit.
Muitte
Áŧestuvvan ášši gieđahallan oppa áigge konsentrere dasa, mii sáhttá mannat endorii.
Morašteapmi ii čoavdde čuolmmaid.
Čuolbmačoavdimis fas suokkardallojuvvo njuovžilit ja realisttalaččat buot iešguđetlágan molssaeavttuid, eai dušše fuones čuovvumušaid.
Čuovvovaččat sirdásit maŋimuš oassái, mas oaččut vel vehá rávvagiid boahttevuhtii.