Jiõččhåidd-programm
5. Mattu aiccâd jurddjid da tobddjid
Loʹssesmiõllsažvuõđ puõcci ooumaž vuäitt mättjed vaaikted jiijjâs ǩiõldlaž jurddjid di tobddjid, da nääiʹt lääiʹveed vaiʹǧǧes miõl.
Psykiatria pâʹjjdåhttar Suoma Saarni maainast videost (2:34), mâid juuʹrdet negatiivlaž jurddji jorrsin leʹbe nuʹt sarnnum loʹssesmiõllsažvuõđ jorrsest. Kuulak še, mäʹhtt jorrâz vuäitt harjjtõõllâd pueʹtǩǩeed.
Ǩiõčč video ooudbeäʹlnn ǥu äälǥak tueʹjjeed tän seeid harjjtõõzz.
Harjjtõs: Loʹssesmiõllsažvuõđ jiõččaiccmõš
Täävtõs
Fiʹttjak pueʹrben, mäʹhtt jurddjad, tobddjad da tåimmjummšad vaaikte nuubbeez. Tõt vieʹǩǩat tuu ǩeâsttjâʹtted tõid.
Vuäppõs
Aaic mueʹdd peeiʹv poodd šõddâm vuõʹjjid, koin loʹssesmiõllsažvuõʹtte õhttneei jurddi da tobddi eʹtte.
Måkam vuõʹjjin lij kõõččmõš? Måkam jurddi da tobddi kåccje? Mäʹhtt tâʹl tååimak? Mii tåimmjummšest seuʹrrai?
Vaalâž õõut vueʹjj. Tiuddâd tõõzz õhttneeʹl puk paaiʹǩid ouddneeʹl vueʹjjest jurddi da tobddi pääiʹǩ tåimmjummša.
Vuäitak åblkâʹstted tän veäkka jiijjad tåimmjummšad da ǩeâsttjâʹtted jurddjääd.