Skip to main content

Jiõččhåidd-programm

1. Aarǥ pueʹreld põõššmõõžž lââʹzztummuž

Aarǥ pueʹreld põõššmõõžž oʹđđest raajjmõš lij vääžnai loʹssesmiõllsažvuõđ kääʹvvtummšest.

Aarǥ aktiivlažvuõđ vuäitt vuäǯǯad muuʹtteeʹl jiijjâs tåimmjummuž. Tõt lij täujja vueiʹtlvaž, håʹt-i jurddi, tobddi da fyyslaž åårramsââʹjj vuâsttlâsttče-i vuâstta. Kaʹnnat ââʹnned huõll tõʹst, što ouddan siõmmnai siõmmnai da uuʹcces meäʹrin.

Vuâŋŋmõõžž da riʹjttjeei aktiivlažvuõđ tääʹssteädd lij vääžnai. Tåʹlǩ vuâŋŋamtaarb ij kuuitâǥ kaʹnnet kuâđđjed kuvddled.

Vitt ääʹšš, kook raavee miõl pueʹrrjieʹllem

Videost (1:31) psykiatria pâʹjjdåhttar Suoma Saarni čuäʹjtââll vitt aarǥ vueʹssvuuʹd, koin lij miârkteei vaaiktõs psyyklaž pueʹrrjieʹllma da vueiʹttmõʹšše:

  1. Vuäđđmõš
  2. Poorrmõš
  3. Liikkummuš
  4. Ooumažkõskkvuõđ
  5. Miõllsaž tuejjummuš

Vueʹssvuuʹd vuäitt jueʹǩǩed ǩiõđ viiđ suõʹrmme. Miõltiõrvâsvuõđ ǩiõtt lij MIELI Suomen Mielenterveys ry raajjâm kovveem aarǥ pueʹrrjieʹllem paalǩin.

Aarǥ pueʹreld põõššmõõžž lââʹzztummuž jeeʹres vueʹssvuuʹdin

Harjjtõs: Aarǥ pueʹreld põõššmõõžž lââʹzztummuš

Täävtõs

Mättjak taʹrǩstõõllâd da muʹtted jiijjad tåimmjummšad. Vuäǯǯak tõn pääiʹǩ aktiivlažvuõđ siõmmnai siõmmnai mååusat.

Vuäppõs

Vaʹstted vueʹlnn åårrai kõõččmõõžžid. Smiõtt, måkam aaʹššin taarbšak muttâz da mäʹhtt vuäitčiǩ muttâz altteed.

Ouddmiârkk

"Haaʹleʹčem vuâđđfriskkvuõđ ravsmem, što vuäitčim pueʹrben"