Jiõččhåidd-programm

Mâid tueʹjjääm, jõs muʹst liâ jiijjan hiâvtem juʹrddi?

Jõs loʹssesmiõllsažvuõtt viõkkšââvv oouʹdbust leʹbe tuʹst liâ jiijjâs čuõʒʒtemjurddi leʹbe jiõččhiâvtemjurddi, raauk vieʹǩǩ tâʹlles.

Jiijjâs hiâvtem jurddi liâ samai takainallšeeʹm loʹssesmiõllsažvuõđ puõcci oummuin. Še jiijjâs päʹrttummuš, ouddmiârkkân čuõʒʒtem håʹt-ba haaʹvaid tueʹjjeeʹl, lij samai takainallšeeʹm loʹssesmiõllsažvuõʹtte da tåʹsǩǩvuõʹtte puõcci oummuin.

Jiijjâs čuõʒʒteei jurddjivuiʹm ij kaʹnnet kuâđđjed õhttu, ij-ǥa tõid taarbâž okknõõššâd. Videost (1:48) pâʹjjdåhttar Suoma Saarni auʹǯǯai mainsted jurddjin leʹbe juʹn šõddâm jiijjâs päʹrttummšest tuõsttlõnji âʹlddrueʹtte.

Vieʹǩǩ vuäitt ooccâd håʹt-ba õõutâst.

Jõs tuʹst lij juʹn håiddkontaktt, maainâst tobddmõõžžin jiijjad ämmat-tuâjjliʹžže.

Jõs tuʹst ij leäkku håiddkontaktt, kaʹnnat leeʹd õhttvuõđâst vuâđđtiõrvâsvuõtthuõllu. Vuâđđtiõrvâsvuõtthuõllu koʹlle jeäʹrbi mieʹldd tiõrvâsvuõttsâjldõõǥǥ, tuâjjtiõrvâsvuõtthuâll, mättʼtõõttâmtiõrvâsvuõtthuâll da privaatt dåhttarsâjldõõǥǥ.

Looǥǥ lââʹzz Miõlltiõrvâsvuõttkääzzkõõzz-vueʹzzest.

Muuʹšt

Jo-ba nuʹt lååǥǥad meeʹst jeäll kuäʹss-ne čõõđ jiijjâs čuõʒʒteei jurddjid.

Jiijjâs päʹrttummuš ouddmiârkkân čuõʒʒteeʹl lij loʹssesmiõllsažvuõʹtte da tåʹsǩǩvuõʹtte puâccjam oummuin samai takainallšeeʹm. Tõõzz kaʹnnat ooccâd tuõsttlõnji vieʹǩǩ.

Puõʹtti vueʹzzest tobdstõõđât tuâjjneävvaid, kook vieʹǩǩte aarǥ vaaldšmest. Mättjak še aiccâd loʹssesmiõllsažvuõđ tuâǥǥast åårrai jurddjid.