Jieštipšomohjelm
5. Oopâ aicâdiđ jurduid já tobdoid
Šlundom olmooš sáttá oppâđ vaiguttiđ jieijâs negativlijd jurduid sehe tobdoid já toin naalijn láivudiđ unohâs vajo.
Psykiatria ollâtuáhtár Suoma Saarni muštâl videost (2:34), maid uáivild negativlij jurdui spiiraal ađai nuuvt kočodum šlundevuođâ viärráás riegis. Tun kuulah meid, et maht viärráás riäggá puáhtá hárjuttâllâđ potkiđ.
Keejâ video ovdil ko keččâlah taan siijđo hárjuttâs.
Hárjuttâs: Šlundevuođâ jiešaicâdem
Ulme
Tun addiih pyerebeht, et maht tuu jurduuh, tobdoh já toimâm vaigutteh nubijdis. Tot iššeed tuu hästiđ taid.
Raavâ
Aaicâd motomij peeivi ääigi tilálâšvuođâid, main iteh šlundevuotân lohtâseijee jurduuh já tobdoh.
Magarijn tilálâšvuođâin lii koččâmuš? Magareh jurduuh já tobdoh moráneh? Maht tun talle tooimah? Mii toimâmist čuávu?
Valjii oovtâ tilálâšvuođâ. Teevdi toos lohtâseijee puoh soojijd ovdánmáin tilálâšvuođâst jurduu já tobdo peht toimâmân.
Ton vievâst tun puávtáh uáiniđ oleskove jieijâd toimâmist já hästiđ jurduidâd.