Skip to main content

Jiõččhåidd-programm

4. Tuumâst toimmu

Tuʹmme siõmmna, måkam haaʹleʹčiǩ jieʹllmad åårram peäʹl eeʹjj jo-ba õõut eeʹjj ǩeeʹjjest.

Mâid haaʹleʹčiǩ tueʹjjeed? Mäʹhtt vieʹttjeʹčiǩ peiʹvvad? Mâid tueʹjjeʹčiǩ âsttääiʹj poodd? Måkam pueʹrr aaʹššid jieʹllmad âânnči seʹst? Visiâstt friijâld, da ǩeeʹrjed pââjas niõǥǥõõzzääd.

Harjjtõs: Visio miõllsaž jieʹllmest

Täävtõs

Fiʹttjak čiõlǥubun, mâid jiijjad jieʹllmest tuäivak. Kaaunak še aaʹššid, koid vuäitak vueʹlǧǧed viikkâd ooudâs.

Vuäppõs

Tuʹmme, muvddem haaʹleʹčiǩ jieʹllmad åårram pueʹttiääiʹjest. Mâid haaʹlečiǩ tueʹjjeed? Mäʹhtt vieʹttjeʹčiǩ peiʹvvad? Mâid tueʹjjeʹčiǩ âsttääiʹj poodd? Måkam pueʹrr aaʹššid jieʹllmad âânnči seʹst?

Visiâstt friijâld, da ǩeeʹrjed pââjas niõǥǥõõzzääd. Niõǥǥõõzz da listteemvuâla ääʹšš vueiʹtte leeʹd jõnn leʹbe uuʹcces jieʹllemvueʹjjstad ǩidd ååreeʹl.

Tuâj mâŋŋa

Åårast ååʹn smiõttâd, mii tuu cagg jieʹllmest nuʹt ǥu jeäskka visiõʹsttiǩ. Lij-a tuõivvjest mii-ne, mâid vuäitčik vueʹlǧǧed viikkâd ooudårra?

Tuʹmme, mõõk puk vueiʹtlvažvuõđ jieʹllmest vuäitči leeʹd še veeidsubun. Måkam ääʹšš regsmââʹttči jieʹllmad?

Jeeʹresnallšem tåimmamvueiʹtlvažvuõđ

  • organisaatiotåimmjummuš
  • jiõččtäättlažtuâjj
  • meerlaž- da tuâjjlaimättškooul kuurs
  • staarjõssieʹbr
  • mättʼtõõttâm leʹbe vaalmteei škooultõs
  • tuâjj-jieʹllma mäccmõš ouddm. ǩeäppnemnalla, jõs leäk puõccâmluõvâsvuõđ ââʹnnmen
  • Kela säursmâʹttemkuurs

Teâđ da viiŋk jeeʹres vueiʹtlvažvuõđin liâ vuäǯǯamnalla jiânnai. Kaʹnnat jieʹlled ooccmen teâđaid jiijjad gåårad da õhttõõzzi neʹttseeidain. Ǩeʹrjjpõõrin liâ vuäǯǯamnalla jiânnai jiõččhåiddǩeerjažvuõđ, koʹst vuäitak vuäǯǯad ođđ jurddjid da toʹlǩǩõõzzid.