Jiõččhåidd-programm
Plaan vaarrmiârki värra
Jõs tuʹst lij taaujâs loʹssesmiõllsažvuõtt, lij oouʹdab vääžʼnjab mättjed toobdsted jiijjâs vaarrmiârkid. Tõi veäkka vuäitak vaaikted vueiʹttmõʹšše juʹn ääiʹjeld aʹlǧǧi poodd. Vaarrmiârk vueiʹtte kuâsttjed jorddmõõžž, tobddi da tåimmjummuž tääʹzzest.
Toobdsteeʹl jiijjâs loʹssesmiõllsažvuõttoudldõõzzid, tõid lij vueitlvaž pueʹtǩǩeed ouddâl ǥu tõk šâʹdde viõkksiʹžžen.
Videost (2:29) loʹssesmiõllsažvuõđ puõccâm oummu mainste, mäʹhtt sij liâ mättjam kässjõõttâd jiijjâs oudldõõzzid. Mäŋggaz vuäǯǯa vieʹǩǩ ooudbeäʹlnn tueʹjjuum tuõrvvplaanâst. Plaaʹne vuäitt kollʼjed ouddmiârkkân õhttvuõđvälddmõš âʹlddooumže leʹbe toobdâs vieʹǩǩteei tuâjjliʹžže.
Harjjtõs: Muu jiijjan vaarrmiârkkan
Täävtõs
Toobdstak jiijjad vaarrmiârkääd. Pââstak tõi veäkka vuâmmšed, jõs pueʹrrmiõllad älgg lueʹštted.
Vuäppõs
Vaarrmiârkin juuʹrdet oudldõõzzid, kook äʹlǧǧe očndõõttâd ouddâl jiõččveärlaž loʹssesmiõllsažvuõđ puâccjummuž. Vaarrmiârk äʹlǧǧe očndõõttâd jurddi, tobddji da tåimmjummuž tää’zzest.
Lij vääžnai mättjed toobdsted jiijjad vaarrmiârkid, što vueiʹttmõʹšše vuäitt vaaikted juʹn samai ääiʹjeld ääʹljeeʹl.
Smiõtt jiijjad vaarrmiârkääd, da tueʹjjed plaan tõi värra.