Jiõččhåidd-programm

Loʹssesmiõllsažvuõtt vuäitt vuäǯǯad oummu jäänab ââʹnned peäʹncid. Še peäʹnci âânnmõš jijstes hueʹnad pueʹrrmiõl da âʹlnn âânn loʹssesmiõllsažvuõđ. Vâʹllj alkohoolâânnmõš tåimm še loʹssesmiõllsažvuõđ šõddeei raajjʼjen.

Mõõk liâ alkohool hääitlaž âânnmõõžž tåbddmiârk?

Alkohool häittvaaiktõõzz äʹlǧǧe kuâsttjed pueʹrben, ǥu alkohoolâânnmõš lâssan. Vuâlla liâ norrum alkohool hääitlaž âânnmõõžž ääiʹjeld kuâsttjeei tåbddmiârk.

Looǥǥ puõʹtti kõõččmõõžžid. Vaʹstted tõid ǩiõččeeʹl mââimõs jooʹtti koumm määnpââʹj. Leäkku veârnai jiõccsad.

1. Leäk-a tueʹlää kåccjeen vuâmmšam, što jiõk pââʹst muʹštted koid-ne oouʹdab jeäʹǩǩää tueʹjjeem aaʹššid, ǥu leäk leämmaž jukkõõttâm?
2. Leäk-a reiddčõõttam âʹlddruåđain juukkmõõžžstad?
3. Leäk-a vuâmmšam ǩiõđi tuäʹrjstem oouʹdab jeäʹǩǩää juukkmõõžž diõtt?
4. Leäk-a tobddâm vieʹrrvuõđ juukkmõõžž diõtt?
5. Leäk-a seuʹrrjeei peiʹvven okknõõššâm tõn, mäʹhtt leäk jukkõõttâm poodd jälstõõttâm?
6. Leäk-a mâŋŋnam kuäʹss-ne, leʹbe lij-a tuâjjad muđoi huânnʼnam alkohoolâânnmõõžžâst?
7. Leäk-a välddam julstõõǥǥ tâʹlles tueʹlää kåccjeen što nieʹrv rääuhtâʹvve leʹbe åårrmõš puârran ?
8. Leäk-a ni kuäʹss tobddâm, što jiõk pââʹst looppted?
9. Hååidak-a alkohool veäkka âʹǩǩes tobddjääd leʹbe streeʹss?
10. Leäk-a käddam, što vuäitčiǩ šõddâd peäʹnec čõnnsallašvuõđ vuâlla? 

Jõs vaʹstteek håʹt õʹhtte kõõččmõʹšše kâʹl, kaʹnnat tuu årsted smiõttâd alkohoolâânnmõõžžad. Leʹčči-a šiõǥǥ uuʹcceed meäʹr? Jõs vaʹstteek maŋggu kõõččmõʹšše miõttlõssân, tõn vääžnʼjab tuʹst leʹčči šiõǥǥ muʹtted juukkâmtooddääd.

Håʹt-i oudldõõzzad leʹčči veâl õccnja, kaʹnnat kuuitâǥ smiõttâd ââʹnnmad alkohoolmeäʹri meäʹr. Pâjjan-a riskkraajj nuʹt, što tiõrvâsvuõtthääit liâ vueʹrddemnalla?

Tiõrvâsvuõtthääit šâʹdde täujja meälǥžet jiâ-ǥavieʹltǩanikuõsttu ni kullu jiõččaildes, ouddâl ǥu häitt lij juʹn šõddâm.