Jiõččhåidd-programm

Mii täättas liikkeeʹesvuõtt lââʹzzat jieʹllma tuõʹllʼjemtobddi da oouʹdad pueʹrrjieʹllem. Tuejjummuž da tååim jiâ taarbâž leeʹd ni vooʹps stälbbai. Aarǥ vuâđđääʹšš, mâta porrmõõžž raajjmõš, liikkummuž, čiistmõš da jijstes huõllâânnmõš liâ puk tååim.

• Vuâđđaaʹššin spraavdõõttmõš rääjj ryytm aʹrǧǧe da põhtt miõllpuârõõzz âlddsin vuâmmšeǩani.
• Vuässadvuõtt tuâjj- da mättʼtõõttiõhttsažkååʹddest di sosiaalʼlaž kõskkvuõđ põʹhtte jieʹllma siiskõõzz.
• Liikkummuš da jeeʹres staarjõõzz ouʹdde miõllpuârõõzz.

Liikkeeʹesvuõtt lij šiõǥǥ leeʹd tääʹssteäʹddast jiijjâs viõkkvääri, ooddi da jiijjad vueiʹtlvažvuõđi mieʹldd. Tåbddai-a tuʹst, što tuu aarǥâst liâ nokk miõllsaž tuejjummuž? Jõs vaʹsttiiǩ ”ij”, tâʹl smiõtt måkam tuejjummšid ton haaʹleʹčiǩ lââʹzzted jiijjad jieʹllma?

Ââʹn huõl sosiaalʼlaž kõskkvuõđin. Nuuʹbb oummu da õhttvuõđ âânnmõõžž järrsid liâ vääžnai. Aaʹššin mainstummuš, õõutsââʹjest tuejjummuš leʹbe pâi tåʹlǩ mieʹldd åårrmõš ǩieʹppee streeʹss. Måkam oummu liâ samai tuʹnne vääžnai? Leäk-a õhttvuõđâst siʹjjid nokk jiânnai? Še õhtt taaurõš lij juʹn kaallšõs. Jiijjad piâr da âʹlddruåđ liâ vääžnai säimmõõzz.

Kaiʹbbjak-a ođđ ooumažkõskkvuõđid? Ođđ sosiaalʼlaž kõskkvuõđi čuõlmmummuš vuäitt vuõššân tåbddjed väʹǯǯlen. Lij kuuitâǥ vääžnai vueʹlǧǧed tuõsttlõnji taʹrǩstõõllâd pirrõõzz. Ođđ taaurõõžžid vuäitt kaunnâd mättʼtõõttmõõžž leʹbe tuâj pääiʹǩ. Staarjõõzzin, õutstõõzzin leʹbe kruuggin lij vueiʹtlvaž teivvad seämma aaʹššin tuʹǩǩeei oummuid.

Mieʹrrkõskksaž vueʹđđem-kaajâlnââʹer-rytmm da riʹjttjeei inn-nââeʹr liâ vääžnai. Vueʹđđemtarbb lij samai individuaalʼla, da tõt vaajtââll ââʹjj, ääʹrb da aktiivlažvuõđ mieʹldd. Rääʹvesoummust vueʹđđemtarbbân meäʹrtõõlât täujja nuʹt kääuʹc čiâss suutkâst.

Jõs inn-nââeʹr kuâđđje occnjen, ij åårrmõõžž kaʹnnet virksmâʹtted pâiʹlmeärrsaž kååʹf leʹbe jeeʹres kofeiin seʹst õõʹnni juʹlstõõǥǥi naaudšummšin, ǥu leiʹǧǧ kofeiin vuäitt lââʹzzted tååʹsǩ tobddjid.

Miõltiõrvâsvuõttpõrtt.fi:st käunnai še nââʹerteʹmesvuõđ jiõččhåidd-programm.

Liikkummuš vieʹǩǩat puʹrǧǧeed tååʹsǩ vaardâst šõõddtem hooddõõvvâmvuõđ da jieʹttsââʹj. Liikkummuš lääiʹvad še tåʹsǩǩvuõđ fyyslaž oudldõõzzid, mâta pannvââʹj leʹbe tuäʹrjstõõzz. Liikkääk-a jiijjad miõlâst ååʹn nokk jiânnai?

Jõs haaʹlääk lââʹzzted aʹrǧǧe liikkummuž, kaʹnnat tueʹjjeed kalenteera liikkeemplaan. Muuʹšt, što hääʹsǩeld tobddjeei liikkummša vuâlǥak hieʹlǩben. Liikkummuž ij taarbâž pâi leeʹd viʹrǩǩes väʒʒmõõžž, pâi tõt vuäitt leeʹd še äuʹǩǩliikkummuž leʹbe håʹt mâka mueʹrji uussmõš leʹbe pällsiõr taaurõõžžin. Smiõtt, mâʹst âânak!

Siâzztõõllâp, što liikkääk uuʹccmõsân 3 x 30 minuutt neäʹttel poodd. Še uuʹcces mieʹrr lij pueʹrab ǥu ij ni vooʹps. Täujja vääžnmõs lij piâssâd vueʹlǧǧed!

Määŋgpeällsaž porrmõš âânn âʹlnn šiõǥǥ tåimmamoodd. Vuõivâšn liâ oummu tåimmjummuž beäʹlnn vääžnai orgaan. Pooreeʹl puârast da tiõrvvsallaž porrmõõžžid ooudak vuõivšna da vaʹrdde energia. Šiõǥǥ poorrâmoodd pueʹree čiŋlmõõvvâmoodd, koordinaatio, äʹlššaivuõđ, moošt da streeʹss ǩiõrddmõõžž. Mieʹrrkõskksaž poorrâmrytmm ryʹtmmat še peeiʹv.