Jiõččhåidd-programm

2. TUÂJJNEÄVV

Tän vueʹzzest mättjak jeeʹresnallšem kuånstid, koin vuäitak tuõʹllstõõllâd loʹssesmiõllsažvuõđ oudldõõzzid da viikkâd ooudâs pueʹrrjieʹllmad.

Loʹssesmiõllsažvuõđ puõccâm poodd lij täujja vaiggâd vueiʹnned aaʹššid ooudårra da äʹlššaivuõtt jiijjâs håiddmõʹšše vuäitt leeʹd ooʒʒmest. Tän vueʹzzest vuäǯǯak tueʹrj di teâđaid tõʹst, mäʹhtt vuäitak ouddned.

Kuånst muttsi årra

Šiõǥǥ oođâs lij, što jiijjâs loʹssesmiõllsažvuõđ oudldõõzzeez vuäitt harjjtõõllâd tuõʹllstõõllâd. Čooud oʹnnstummša liâ tuʹst jijstad, ǥu leäk jiijjad miõlad pueʹrmõs äʹšštobddi.

Puõʹttjen mättjak kuånstid, kooi veäkka lij vueiʹtlvaž vuäǯǯad loʹssesmiõllsažvuõđ oudldõõzzid pueʹrben jiijjad tuõʹllstõõllâmnalla. Pieʹǩǩ täin vueiʹtte leeʹd tuʹnne ooudbeäʹlnn tobddâz, pieʹǩǩ âʹpet oođâs.

Tuäiv mieʹldd kaaunak tuʹnne suåppi kuånstid, koid vuäitak äuʹǩǩeed jiijjad aarǥâst. Juʹn tõt lij miârkteei, što looǥǥak tän teeʹkst. Leäk nääiʹt kuuitâǥ årstam smiõttâd vueʹjjad da tuäivak muttâz.

Uuʹd ääiʹj muttsa

Äʹlššaivuõtt aaʹšši muʹttemtuõjju vaajtââll. Še viõǥǥ muttâz čõõđviikkmõʹšše vueiʹtte kõõskâst leeʹd jäänab, kuäʹss-ne âʹpet uuʹccben. Muuʹšt, što tät vaajtõõllmõš lij aivv takai tän poodd.

Tueʹjjed kuuitâǥ jiijjinad suåppmõõžž: ǩiččlõõdd tän jiõččhååid vuäppõõzzid, da ärvvtõõl eman mâʹŋŋlubust tõi äukkaivuõđ.

Vuäǯǯak tän vueʹzzest tuâjjneävvaid tåimmamoodd maacctummša da juurdčem-maall oođummša. Tueʹjjed harjjtõõzzid tõn mieʹldd, mõõk tõin tåbddje jiõccsad taarbliʹžžen. Muuʹšt kuvddled jiijjad viõkkväärääd.

Harjjtõõzz liâ vääžnai pieʹǩǩ jiõččhåidd-prograamm

Harjjtõõzz liâ prograamm čââʹđ. Tõi pääiʹǩ piâzzak kaartʼted da smõttâd räʹtǩǩummsid jiijjad vuâkksad.

Lij vääžnai, što teâđ lookkmõõžž lââʹssen tueʹjjääk še harjjtõõzzid. Harjjtõõzzi raajjmõõžži pääiʹǩ mottjak lookkjest aktiivlaž raajjʼjen. Nääiʹt vääldak laauʹǩid vueʹjjad pueʹreem diõtt.

Mäʹhtt harjjtõõzzid tueʹjjeet?

Kook-ne harjjtõõzz veʹǩǩe jäänab ääiʹj ǥu nuuʹbb. Vääžnai lij kuuitâǥ tõt, što juätkak harjjtõõzzid, håʹt-i tõt tobddjeʹči väʹǯǯlõs tuâjjan.

Koid-ne harjjtõõzzid lij vääžnai tueʹjjeed samai määŋg vuâra, täʹl jiijjad tueʹjjeem muttsin šâʹdde pueʹrben ǩeâllʼjeei.

Harjjtõõzz, koid vuäinak jeäʹrben pueʹrren, kaʹnnat väʹldded mušttu da mäʹcced tõid tueʹjjeed kuʹǩesäiggsânji.

Puõʹtti videoin (1:21) vuäǯǯak viiŋkid jiõččhåidd-prograamm harjjtõõzzi raajjmõʹšše. Seämmavuâra kuulak, mõʹnt harjjtõõllmõʹšše kaʹnnat čõnnõõttâd.

Tän obbvuõđâst

Täʹst lie puk tän obbvuõđ seeid