Iešdikšunprográmma
5. Oahpa áiccadit jurdagiid ja dovdduid
Olmmoš, geas lea deprešuvdna, sáhttá oahppat váikkuhit iežat negatiivvalaš jurdagiidda ja dovdduide, ja dakko bokte láivudit váttes dili.
Psykiatriija njunušdoavttir Suoma Saarni muitala filmmas (2:34), maid mearkkaša negatiivvalaš jurdagiid gierdu nappo nu gohčoduvvon deprešuvnna gierdu. Gulat maid, mot sáhttá hárjehallat botket váttásmuvvi ja joatkašuvvi dili.
Geahča filmma ovdal go geahččalat dán siiddu hárjehusa.
Hárjehus: Deprešuvnna áiccadeapmi ieš
Mihttomearri
Áddet buorebut, mot du jurdagat, dovddut ja doaimmat váikkuhit nuppiidasaset. Dat veahkeha du hástit daid.
Ráva
Áiccat moadde beaivvi diliid, main deprešuvdnii laktáseaddji jurdagat ja dovddut dihttojit.
Makkár jurdagiin lea sáhka? Makkár jurdagat ja dovddut bohciidit? Mot dalle doaimmat? Mii doaimmas čuovvu?
Vállje ovtta dili. Deavdde dan hárrái buot čuoggáid ja ovdán dilis jurdaga ja dovddu bokte doaibmamii.
Sáhtát hábmet dán bokte iežat doaibmama ja hástit jurdagiiddát.