Jiõččhåidd-programm

​Toivottavasti sait hyödyllistä tietoa ja uusia ideoita sekä työkaluja masennuksen voittamiseen. Ǩiʹdde še juätkast vuâmmšõõzz jiijjad aarǥtuõʹllʼjummšad da ââʹn huõl jijstad pueʹrmõs vueiʹtlvaž naaʹlin. Muuʹšt še päʹlǩǩeed jiijjad.

Kaʹnnat juäʹtǩǩed tåimmampeiʹvvǩeeʹrj âânnmõõžž, što harjjnak toobdsted, mäʹhtt jeeʹres tuejjeei vaaikte tuu miõʹlle.

Seän jiõccsad vuâŋŋampeeiʹvid, da plaanâd tõid juʹn ooudbeäʹlnn. Plaanâd neäʹttelkalenteera ooudbeäʹlnn še pooddid liikkummša da miõllsaž tåimmjummša.

Puõʹtti videost (1:20) kuulak lââʹzz viiŋkid tõõzz, mäʹhtt jiijjad miõl pueʹrrjieʹllem vuäitak ââʹnned âʹlnn jiõččhåidd-prograamm mâŋŋa.

Koʹst vieʹǩǩ?

Mäʹhtt tååimam, jõs jiõččhåidd-programm ij riʹjttjam?

Jõs loʹssesmiõllsažvuõtt viõkkšââvv oouʹdbust leʹbe toobdak tõn häittam jiijjad tåimmamoodd da jieʹllemšlaaj, raauk vieʹǩǩ tâʹlles.

Jõs tuʹst lij juʹn håiddkontaktt, maainâst tobddmõõžžin jiijjad ämmat-tuâjjliʹžže. Jõs tuʹst ij leäkku håiddkontaktt, lij vuâđđtiõrvâsvuõtthuâll täujja pueʹrmõs toiʹmmjeei loʹssesmiõllsažvuõđ puõcceen. Vuâđđtiõrvâsvuõtthuõllu koʹlle tiõrvâsvuõttsâjldõõǥǥ, tuâjjtiõrvâsvuõtthuâl da privaatt dåhttarsâjldõõǥǥ.

Neʹtt-terapia

Jõs vuäinak, što pieʹssiǩ šiõǥǥ aʹlǧǧe, leša haaʹlääk ravvsab tueʹrj, vuäitak saǥstõõllâd dåhttrin neʹtt-terapia vueiʹtlvažvuõđâst.

Neʹtt-terapia lij jiijjad teâttmašinast leʹbe toolkaparaattâst čõõđtem håidd, koʹst terapeuʹtt stään jiõččvälddsaž ouddnummuž. Neʹtt-terapiast ǩiõttʼtõõlât vuässas seämma teemaid ǥu tän håidd-prograammâst da piâzzak tueʹjjeed lââʹzz harjjtõõzzid.

Terapia tueʹjjeet juõʹǩǩneäʹttel, da tõn peštt lij nuʹt 3–4 määnpââʹj. Terapiast juätkak vaiggâdvuõđi smiõttmõõžž da mättʼtõõđak ođđ tåimmam-maallid teâttsiiskõõzzi, videoi da harjjtõõllmõõžži veäkka.

Neʹtt-terapiain liâ vuõiʹǧǧest tillʼlõõveeʹl vuõǯǯum seämmanalla pueʹr puättmõõžž ǥu õʹhttečõõʹlmi čõõđviikkâm psykoterapiast.

Neʹtt-terapia peäss täujja altteed neäʹttel seʹst tõʹst, ǥu dåhttar lij ǩeeʹrjtam vuõlttõõzz.