Jiõččhåidd-programm
3. JEÄʹVVEZ JUÄTKKA
Puʹtt ooudårra
Tuäiv mieʹldd kauʹnniǩ tän prograammâst tuâjjneävvaid da harjjtõõzzid, koid tobddiǩ, što tõin lij tuʹnne äuʹǩǩ. Loʹssesmiõllsažvuõđ puõccâm poodd jurddi jåʹrre lääđeʹld mõõnni negatiivlaž vuõʹjjin da ânnʼjõžpoodd leʹbe pueʹttiääiʹj lij samai vaiggâd juurdčed. Puârrnõddmõõžžâst lij vääžnai ohjjeed miõll teâđsteeʹl tän poʹdde da oʹđđest puõʹtti årra.
Harjjtõs rääjj määstar
Mâta puki ođđ tääidai mättõõllmõõžžâst, še loʹssesmiõllsažvuõđ tuâjjneävvai mättjummšest juätkkjeei harjjtõõllmõš lij vääžnai. Ǥu harjjtõõlak tuâjjneävvai âânnmõõžž vuõššân hiâlpâs vuõʹjjin, tõk vueiʹtte vieʹǩǩted tuu siõmmnai siõmmnai še vaiggääb vuõʹjjin, koin tobddi liâ väʹlddmen pâiʹlvääʹld.
Harjjtõõllmõõžž vueiʹtet veʹrddeed vuõjjmõõžž mättõõllmõʹšše
Vuõjjmõõžž tekniikk âlgg mättõõllâd cueʹjjes čääʹʒʒest, da mâŋŋa vuõjjâmtääid raaveet staanni åårrmõõžžin. Ǥu silttääk samai puârast, vuäitak vuõjjâd še väʹǯǯlõs åårrmõõžžin, mâta čiŋŋlab čääʹʒʒest leʹbe piõggsab šõõŋâst.
Harjjtõõllmõš vuäitt leeʹd jeäʹrben aalǥâst viõssmõõžž puʹhtti. Tõʹnt lij vääžnai, što ooudak jiõccsad päʹlǩǩõõzz suåvlaž naaʹlin, ǥu leäk harjjtõõllâm tiõttum tuâjjneävv ouddmiârkkân neäʹttel ääiʹj.
Smiõtt, mii vuäitči leeʹd tuʹnne suåppi päʹlǩǩõs. Ouddmiârk päʹlǩǩummšest liâ miõllmusiikk kuvddlummuš, ǩeeʹrj lookkmõš, luännteei jeäʹǩǩää vieʹttjummuš leʹbe taaurõʹšše soiʹttjummuš leʹbe mii täättas miõttlõs maacctõõzz ouddmõš jiccses. Vääžnai lij kuuitâǥ kaunnâd aivv tuʹnne jiõccsad suåppi nääʹll.
Kuäʹss-ne še loʹssesmiõllsažvuõđâst seuʹrrai mii-ne šiõǥǥ
Loʹssesmiõllsažvuõttoudldõõzz vueiʹtte sieʹjjted jieʹllem da aarǥ miârkteeinalla. Pâi tõin jiâ leäkku leämmaž ni vooʹps ääuʹǩ.
Pukin ääʹpptab oudldõõzzi cõjjlõõđeen, mäŋggaz vueiʹtte kuuitâǥ mättjed ođđ da äukkai ǩiõččâmvuõʹjjid. Pâʹjjdåhttar Suoma Saarni maainast videost (0:55), što mâʹŋŋlest loʹssesmiõllsažvuõtt vuäitt lââʹzzted späʹssebvuõđ da jiõččtobddmõõžž.
Puõʹtti videost (2:52) loʹssesmiõllsažvuõđ puõccâm oummu mainste, måkam äukkai tååimaid sij liâ mättjam miõl oudldõõzzi mieʹldd.
Ǩiõttʼtõõleen jiijjâs nääʹlteʹmes tobddjid mäŋggaz liâ mättjam tobddâd jiijjâs raajeez, leeʹd jiõccses ǩeʹnnev di äärmlaž ǥu še lääskav da pâʹstte rämmšed jieʹllmest.