Jiõččhåidd-programm

7. Mattu ǩeâsttjâʹtted jurddjääd

Tõn lââʹssen, što jurddjid mättai seännad da čåuddõõttâd tõin, vuäitt tõid še ǩiččlõõttâd ǩeâsttjâʹtted.

Vuäitak kõõččâd jijstad:

  • Håʹt-i fiʹttjam vueʹjj mõõn-ne naaʹlin, lij-a tõt vieʹltǩani tuõtt?
  • Vuäitči-a vueʹjj fiʹttjed mâin-ne nuuʹbbin naaʹlin?

Negatiivlaž juurdčem automatisâsttjââvv hieʹlǩeld. Kaʹnnat teâđsteeʹl mättõõllâd ǩiʹddjed vuâmmšõõzz še miõttlõs da vaajtõsmaäinnsaid jurddjid.

Ǩeeʹrjet pââjas viârteei jurddjääd vuõʹjjin. Smiõtt, mäʹhtt muđoi vueʹjj vuäitči fiʹttjed. Harjjtõõl tän puõʹtti peeiʹvi äiʹǧǧen. Vuäitak ââʹnned veäʹǩǩen pâʹlddlomaakk.

Harjjtõs: Jurddji ǩeâsttjâttmõš

Täävtõs

Mättjak ǩeâsttjâʹtted negatiivlaž da viârteei jurddjääd. Mättjak še teâđsteeʹl juurdčed miõđlubun da vaaikted tõn pääiʹǩ toobdsõõʹjjääd.

Vuäppõs

Ǩeeʹrjet pââjas viârteei jurddjid, koid vuâmmšak jijstad jeeʹresnallšem vuõʹjjin. Smiõtt še, måkam jeeʹres naaʹlin vuäitčik fiʹttjed vueʹjj.

Ärvtõõl še tõn, mottai-a toobdsââʹjjad, ǥu âânak vaajtõsmäinnsaž jurddi. Ärvtõõl tobddjid ceäkkõõǥǥin 0–10.

Seerd oouʹdab sijddu 8. Tuʹmme miârkteeinallšem aaʹššid jiijjad jieʹllmest