Jiõččhåidd-programm
TÅIMMAMNALLŠEEʹM TUÂJJNEÄVV
Loʹssesmiõllsažvuõđ kääʹvvtummšest vääžnai ääʹšš liâ vaaldšemtobddi da miõllsaž tåimmjummuž lââʹzztummuž arggjieʹllma.
Vuäđđmõš da vuâŋŋampoodd jiâ pâi leäkku šât luännteei. Vuäʹnkõs harjjtõõzzi veäkka mättjak lââʹzzted tuõđeʹld luännteei kõõutid aʹrǧǧe.
Kuul jeärrsi viiŋkid jäđsmõõvvi tuejjummšin
Ouddâl ǥu ǩiččlõõddak tän vueʹzz harjjtõõzzid, vuäitak älšmâttmõõžž diõtt ǩiõččâd puõʹtti video (2:29). Videost loʹssesmiõllsažvuõđ puõccâm oummu mainste, måkam tuejjummuš lij pueʹrääm sij miõl di åårrmõõžžâs.
Ouddmiârk tuejjummšin, kook vueiʹtte oouʹdeed puârrnõddmõõžž:
- âʹlddruåđi leʹbe verddsažoummuivuiʹm viõʹttjum äiʹǧǧ
- vuõiŋŋnjõsharjjtõõzz
- jiijjad miõllsažhååm, koin naaudaš leʹbe lij ääiʹjben naaudšam
- jiõččtäättlažtuâjj
Muuʹšt
Vuâŋŋmõõžž da riʹjttjeei aktiivlažvuõđ tääʹssteädd lij vääžnai. Tåʹlǩ vuâŋŋamtaarb ij kuuitâǥ kaʹnnet kuâđđjed kuvddled.