Iešdikšunprográmma

Ovddasguvlui

Sávvamis gávdnet dán prográmmas bargoreaidduid ja hárjehusaid, maid vásihit alccesat ávkkálažžan. Go olbmos lea deprešuvdna, jurdagat álkit jorret dološ negatiivvalaš diliin ja dáláš bottu ja boahtteáiggi lea váttis jurddašit. Veajuiduvvamis lea dehálaš čujuhit miela diđolaččat dáláš boddui ja ođđasit boahtteáiggi guvlui.

Hárjehallamiin šaddat čeahppin

Dego buot dáidduid oahpahallamis, maiddái deprešuvnna bargoreaidduid oahppamis lea dehálaš hárjehallat bistevaččat. Go hárjehalat geavahit bargoreaidduid álggus álkes diliin, dat sáhttet veahkehit du vehážiid mielde maiddái váddásut diliin, main dovddut leat oažžumin liiggás válddi.

Hárjehallan sáhttá erenomážit álgomuttus fámohuhttit. Danne lea dehálaš, ahte bálkkašat iežat muhtin heivvolaš vugiin, go leat hárjehallan dihto bargoreaiddu ovdamearkka dihtii ovtta vahku.

Smiehta, mii sáhtášii leat dutnje vuogas bálkkašupmi. Ovdamearkkat bálkkašeamis sáhttet leat jiellatmusihka guldaleapmi, girjji lohkan, lotka eahkeda doallan, riŋgen skihpárii dahje mii beare positiivvalaš máhcahaga addin alcces. Dehálaš lea gávdnat aiddo dutnje heivvolaš vuogi.

Goas nu deprešuvnnasge čuovvu mii nu buorre

Deprešuvdnasymptomat sáhttet hehttet eallima ja mearkkašahtti láhkai. Álo dain ii oro leamen miige ávkkiid.

Go vearrámus symptomat jávket, ollugat sáhttet goittotge oahppat ođđa ávkkálaš geahččanguovlluid. Nnjunušdoavttir Suoma Saarni muitala filmmas (0:55), ahte maŋálgihtii deprešuvdna sáhttá lasihit giitevašvuođa ja iešdovdamuša.

Čuovvovaš filmmas (2:52) deprešuvnna vásihan olbmot muitalit, maid ávkkálaččaid sii leat oahppan miela symptomaid mielde.

Go sii leat gieđahallan iežaset unohis dovdduid, máŋgasat leat oahppat dovdat iežaset rájáid, árkkálmastima iežaset guovdu ja eallinilu.