Jieštipšomohjelm

Sunde ovdâskulij

Tuáivu mield tun kavnih taan ohjelmist tyejipiergâsijd já hárjuttâsâid, moh oroh ávhálâžžân tunjin. Ko lii šlundom, te jurduuh joreh älkkeht moonnâm, negativlijn tilálâšvuođâin já tááláá ääigi tâi puátteevuođâ lii vaigâd jurdâččiđ. Tuoibâmist lii tehálâš sundediđ mielâ tiäđulávt tááláá ááigán já uđđâsist puátteevuođâ kuávlun.

Hárjuttâs taha miäštár

Tego puoh uđđâ tááiđui hárjuttâlmist, meid šlundevuođâ tyejipiergâsij oppâmist ovttuu juátkojeijee hárjuttâllâm lii tehálâš. Ko tun hárjuttâlah tyejipiergâsij kevttim vistig älkkees tilálâšvuođâin, te toh pyehtih išediđ tuu kuuloold meid vaigâdub tilálâšvuođâin, main tobdoh láá väldimin liijkás stuorrâ vääldi.

Hárjuttâllâm puáhtá leđe eromâšávt algâmuddoost vaibâdittee. Tondiet lii tehálâš, et tun palhâšah jieijâd moinnii hiäivulijn vuovvijn, ko lah hárjuttâllâm tiätu tyejipiergâs ovdâmerkkân oho verd.

Smietâ, et mii puávtáččij leđe tunjin hiäivulâš palhâšume. Ovdâmeerhah paalhâšmist láá mielâmuusik kuldâlem, kirje luuhâm, muásutteijee eehid viettim, skipárân suáittim tâi mii peri positivlii macâttâs adelem olssis. Tehálâš lii kavnâđ eidu tunjin hiäivulii vyevi.

Motomin šlundevuođâst-uv čuávu miinii puorijd

Šlundevuođâ tavdâmeerhah pyehtih hemâdiđ eellim já aargâ merhâšitteht. Ain tain ij oro lemin ennuvgin ävkki.

Talle ko viärráámus tavdâmeerhah láá ložžim, te maaŋgâs sáttá kuittâg oppâđ uđđâ já ávhálijd uáinimčievâid. Ollâtuáhtár Suoma Saarni muštâl videost (0:55), et maŋadist šlundevuotâ puáhtá lasettiđ kijttevâšvuođâ já jieštubdâmuš.

Čuávuváá videost (2:52) šlundevuođâ feerim ulmuuh muštâleh, et magarijd ávhálijd aašijd sij láá oppâm mielâ tavdâmeerhâi miäldusin.

Ko láá kieđâvuššâm jieijâs unohâs tobdoid, te maaŋgâs lii oppâm tubdâđ jieijâs raajijd, jiešmietitobdo já eellimilo.