Iešdikšunprográmma

Du fuomášupmi giddejuvvo negatiivvalaš áššiide ja positiivvalaš bealit vajálduhttojuvvojit.

Ovdamearka: “Ožžon ovddidanságastallamis ovdaolbmuin ollu rámi ja ovtta veháš negatiivvalabbo kommeantta. Mun hilgon rámi ollásit, ja muittán dál dušše dan ovtta negatiivvalaš kommeantta.”

Áššit gávnnahuvvojit vuostegežiid bokte dahjege hui fuotnin dahje erenomáš buorrin.

Ovdamearka: "Mun lean boalga ja surgat. Earát lihkostuvvet buot áššiin, masa álget."

Ovttaskas dáhpáhusaid generaliserejit liiggás

Ovdamearka: “Aviissain čálle skuvlamátkkis rieviduvvon gánddas. Mun balan, ahte mu mánná rieviduvvo, jus in doalvvo su biillain skuvlii.”

Olmmoš jáhkká diehtit, maid eará olbmot jurddašit ja dovdet.

Ovdamearka: “Go muhtin geahččá mu guhká, de jurddašan son árvvoštallá mu mielastis.”

Vearrámus vejolaš molssaeavttu navdá dáhpáhuvvat.

Ovdamearka: “Mu oaivi lea várkan maŋimuš beivviid áigge. Dát lea ovdamearka vuoiŋŋamaššattalmasas dahje mas nu eará duođalaš buohcuvuođas.”

Váttisvuođaid oaidná stuoribun go dat leat duohtavuođas.

Ovdamearka: “In birgen tenttes, nappo in leat heivvolaš dán skuvlenprográmmii. Várra olles suorgi lea munnje boasttu suorgi, go in nagot birget oppa oahpuin.”

Eará olbmuid reakšuvnnaid navdet čuohcit álo alcces. Seammás veardida iežas earáide.

Ovdamearka: “Jus bargobáikkis gii nu kommentere almmolaš dásis, ahte bargojoavkku beaktu lea njiedjan, de jurddašan, ahte kommeanta guoská dušše munnje. Jurddašan ná, vaikke dieđán, ahte lean bargan viššalit.”

Iežas ja earáid láhttema árvvoštaladettiin geavahit eavttuhis ja starga njuolggadusaid.

Ovdamearka: "Smiehtan álo, mot muhtin ášši galggašii bargat. Jurddašan, ahte mun galggašin nagodit leat virkui ja birget buot diliin. Mun jurddašan maiddái, ahte mun galggašin leat fuolalabbo.

Váivves dáhpáhusaid jáhkká álo leat čuovvumuš iežas doaimmain.

Ovdamearka: “Mu máná juolgi searggai, go lei stoahkamin šiljus. Jus livččen fuolalaččat vánhen, livččen bastán eastit dan. Lea mu sivva, ahte juolgi searggai.”

Buriid áššiid jurddaša leat čuovvumuš lihkus, dahje daid jurddaša leat earáid ánsu. Iežas rahčama ii oainne váikkuhit positiivvalaš loahppabohtosiidda.

Ovdamearka: “Go oaččun barggus positiivvalaš máhcahaga, de jurddašan, ahte dat lei dušše soaittáhat. Mun lean ožžon olu veahki iežan kollegas, nappo mu ovdaolmmoš galggašii rievtti mielde giitit su. Kánske mu ovdaolmmoš arvvosmahtii mu dušše danin, go son árkkášii mu.