Jieštipšomohjelm

Maid mun poorgâm, jis must láá jiešhiävuliih jurduuh?

Jis tuu šlundevuotâ lassaan ain ovdiist tâi tust láá jiešhiävuliih tâi jiešmorhejurduuh, te uusâ ájáttâlhánnáá iše.

Jiešhiävuliih jurduuh láá šlundom ulmuin táváliih. Meid jieijâs vahâgittem, ovdâmerkkân čuoppâdmáin, lii uáli táválâš tain, kiäh láá puosâškuáttám šlundevuotân já atâštumán.

Jiešhiävulij tobdoiguin ij kannat pääcciđ ohtuu, ige taid taarbâš hepânâššâđ. Videost (1:48) ollâtuáhtár Suoma Saarni ávžoo muštâliđ jurduinis tâi jo tábáhtum jieijâs vahâgitmist ruokkâdávt aldaaš ulmuid.

Iše puáhtá uuccâđ veikkâ oovtâst.

Jis tust lii jo tipšomkontakt, te muštâl tubdâmušâinâd jieijâd áámmátlâžân.

Jis tust ij lah tipšomkontakt, te kannat leđe ohtâvuođâst vuáđutiervâsvuotâhuolâttâsân. Vuáđutiervâsvuotâhuolâttâsân kuleh ovdâmerkkân tiervâsvuotâsajattuvah, pargotiervâsvuotâhuolâttâs, uápputiervâsvuotâhuolâttâs já priivaat tuáhtársajattuvah.

Luuvâ lase iše ucâmist Mielâtiervâsvuotâpalvâlusah-uásist (suomâkielân)

Mušte

Joba suullân lovádâs mist mana motomin čoođâ jiešhiävulijd jurduid.

Jieijâs vahâgittem ovdâmerkkân čuoppâdmáin lii šlundevuotân já atâštâsân puosâškuáttám ulmuin táválâš. Toos kannat uuccâđ ruokkâdávt iše.

Čuávuváá uásist piäsá uápásmuđ tyejipiergâsáid, moh išedeh aargâ haaldâšmist. Tun oopah meid aicâdiđ jurduid, moh láá šlundevuođâ tuáváást.