Jieštipšomohjelm
Vuávám váruttemmeerhâi itteem várás
Jis tust lii kiärdášuvvee šlundevuotâ, te lii ain ovdiist tehálub oppâđ aiccâđ jieijâs váruttemmeerhâid. Toi vievâst tun puávtáh vaiguttiđ jieijâd vajon jo arâdis muddoost. Váruttemmeerhah pyehtih oinuđ jurdâččem, tobdoi já toimâm tääsist.
Aiccâmáin jieijâs šlundevuođâ tavdâmeerhâid lii máhđulâš potkiđ taid ovdil ko toh šaddeh vuáimálâžžân.
Videost (2:29) šlundevuođâ feerim ulmuuh muštâleh, et maht sij láá oppâm kieđâvuššâđ jieijâs tavdâmeerhâid. Maaŋgah finnejeh iše muuneeld tohhum torvovuáváámist. Vuáváámân puáhtá kuullâđ ovdâmerkkân ohtâvuođâ väldim aldaaš ulmui tâi uápis išedeijee áámmátlâžân.
Hárjuttâs: Muu jieččân váruttemmeerhah
Ulme
Tun aaicah jieijâd váruttemmeerhâid. Tun pastah toi vievâst aicâdiđ, jis tuu mielâtile viärránškuát.
Raavâ
Váruttemmeerhah uáivildeh tavdâmeerhâid, moh iđesteh ovdil eidusii šlundevuođâ itteem. Váruttemmeerhah sättih itteeđ jurdui, tobdoi já toimâm tääsist.
Lii tehálâš oppâđ tubdâđ jieijâs váruttemmeerhâid, vâi vajon puáhtá vaiguttiđ jo arâdis muddoost.
Smietâ jieijâd váruttemmeerhâid, já räähti vuávám tađe várás jis toh iteh.