Jieštipšomohjelm
Šlundevuotâkoijâdâllâm
Tun tevdih jieštipšomohjelm aalgâst šlundevuotâkoijâdâllâm. Tun puávtáh tevdiđ koijâdâllâm tääl uđđâsist já keččâđ, et lii-uv tuu šlundáávuotâ kiäppánâm jieštipšomohjelm ääigi. Jis halijdah, te tun puávtáh maccâđ tevdiđ koijâdâllâm meid maŋeláá, ko lah porgâm lase hárjuttâsâid.
Láá-uv tuu tavdâmeerhah kiäppánâm? Pyeri! Ij lah tárbu huolâstuđ, jis tuu tavdâmeerhah iä lah lappum ollásávt. Kuávdáást lii, et maht toh tááláá vaigutteh tuu elimân. Jis tun pastah jieijâd mielâst eelliđ tääl olmâ eellim pyerebeht ko ovdeláá, te tun lah juksâm jo uáli ennuv. Tuoibâm puáhtá meid jotkuđ jieštipšomohjelm porgâm maŋa.
Jis tuu tavdâmeerhah iä kiäppánâm, já oro, et tarbâšah tolmišub iše, te muštâl tast áámmátlâžân. Oonah ton várás kávnojeh ovdiibeln.
Vajo puárránmân vaigutteh maaŋgah argâeellim ääših. Čuávuvâžžân mij tarkkup motomijd almolii pyereestvajemân vaigutteijee aašijd.