Jieštipšomohjelm
1. Aargâ haldâšem lasettem
Aargâ aktivlâšvuođâ puáhtá finniđ maasâd muttemáin jieijâs toimâm. Tot lii távjá máhđulâš, veikkâ jurduuh, tobdoh já fyysilâš tile vuástálistáččii-uv. Kannat anneeđ huolâ tast, et ovdánem tábáhtuvá ohtâ lävkki häävild já uccâ pitái mield.
Vuoiŋâstem já tuárvi ollâ aktivlâšvuođâ täsitiäddu lii tehálâš. Tuše vuoiŋâstemtáárbu ij kuittâg kannat pääcciđ kuldâliđ.
Vittâ ääši, moh nanodeh mielâ pyereestvaijeem
Videost (1:31) psykiatria ollâtuáhtár Suoma Saarni puáhtá oovdân vittâ aargâ uásivijđoduv, main lii merhâšittee vaiguttâs psyykkisii pyereestvajemân já vajemân:
- Nahareh
- Purâdem
- Lihâdem
- Olmooškoskâvuođah
- Tuđâtteijee porgâmuš
Uásivijđoduvâid puáhtá jyehiđ kieđâ viiđâ suormân. Mielâtiervâsvuođâ kietâ lii MIELI Suomen Mielenterveys ry ovdedem kuvvim aargâ pyereestvaijeem pittáin.
Aargâ haldâšem lasettem eellim jieškote-uv uásivijđoduvâin
Hárjuttâs: Aargâ haldâšem lasettem
Ulme
Tun oopah tarkkuđ já mutteđ jieijâd toimâm. Tun finniih ton peht aktivlâšvuođâ kuuloold maasâd.
Raavâ
Västid vuoluubiäláid koččâmuššáid. Smietâ, et main aašijn tun tarbâšah nubástus já maht tun puávtáččih algâttiđ nubásmem.
Ovdâmerkkâ
“Mun halijdiččim, et muu vuáđusävrivuotâ lassaan, vâi mun vajaččim pyerebeht”