Jieštipšomohjelm
7. Oopâ hästiđ jurduid
Tun puávtáh koijâdiđ alnestâd:
- Veikkâ mun tulkkuum-uv tilálâšvuođâ monnii náál, te lii-uv tot veltihánnáá fakta?
- Puávtáččij-uv tilálâšvuođâ tulkkuđ monnii nube náál?
Negativlâš jurdâččem šadda älkkeht automatlâžžân. Kannat tiäđulávt máttááttâllâđ kiddiđ huámášume meid positivlijd já muulsâiävtulijd jurduid.
Čääli pajas jieijâd tyemmejeijee jurduid jieškote-uv tilálâšvuođâin. Smietâ, et maht mudoi tilálâšvuođâ puávtáččij tulkkuđ. Hárjuttâl tom čuávuvái peeivij ääigi. Tun puávtáh kevttiđ iššeen miäldusin leijee luámáttuv.
Hárjuttâs: Jurdui hästim
Ulme
Tun oopah hästiđ jieijâd negativlijd já tyemmejeijee jurduid. Tun oopah meid tiäđulávt jurdâččiđ positivlubbooht já vaiguttiđ ton peht jieijâd tobdotiilijd.
Raavâ
Čääli pajas tyemmejeijee jurduid, maid aaicah alnestâd jieškote-uvlágán tilálâšvuođâin. Smietâ siämmást, et moi eres vuovijguin puávtáččih tulkkuđ tilálâšvuođâ.
Árvuštâl meid tom, et muttoo-uv tuu tobdotile, ko kiävtáh muulsâiävtulii jurduu. Árvuštâl tobdoid ciäkkáduvváin 0–10.