Jieštipšomohjelm

Šlundevuođâ keežild olmooš sáttá kevtiškyettiđ eenâb uáivádittee amnâsijd. Meid uáivádittee amnâsij kevttim alnees hyeneed mielâtile já paijeentuálá šlundevuođâ. Korrâ alkoholkevttim lii meid šlundevuođâ joton pieijee tahhee.

Moh láá alkohol čuolmâkevttim tobdomeerhah?

Alkohol háittuvaiguttâsah oinuuškyetih čielgâsávt, ko alkoholkevttim lassaan. Vuoluubel láá nurrum alkohol čuolmâkevttim arâdis tobdomeerhah.

Luuvâ čuávuváid koččâmušâid. Västid toid smiettâmáin majemuid kulmâ mánuppaje. Västid rehelávt olssâd.

1. Lah-uv iđedist koccáádijnâd huámášâm, et jieh pyevti mušteđ maidnii, maid porgih oovdeb eehid uáivist?
2. Lah-uv rijdâlâm aldaaš ulmuin jieijâd juhâmist?
3. Lah-uv huámášâm, et tuu kieđah tuárgisteh oovdeb eehid juuhâm maŋa?
4. Lah-uv tubdâm sujâlâšvuođâ juuhâm tiet?
5. Lah-uv čuávuváá peeivi hepânâššâm tom, et maht lah uáivist lattim?
6. Lah-uv laavim maŋanuđ, tâi lii-uv tuu pargo mudoi ferttim kierdâđ tuu alkoholkevttim tiet?
7. Lah-uv váldám julástuv tállân iđedist koccáádijnâd, vâi rávhudiččih jieijâd tâi puárádâlâččih kohmá?
8. Lah-uv ohtiigin jurdâččâm, et jieh pyevti joskâđ juhâmist?
9. Tipšoh-uv alkoholáin ahevis tobdoid tâi streesi?
10. Lah-uv epidâm, et lah sorjošuuškyetmin alkoholist? 

Jis västidih oovtâgin koččâmušân kale, te kannat orostiđ smiettâđ, maht kiävtáh alkohol. Ličij-uv tárbu kepidiđ? Mađe täävjib koččâmušân tun västidih mieđetteijeht, te tađe tehálub ličij mutteđ jieijâd juuhâmtávástumijd.

Veikkâ tuu tavdâmeerhah liččii vala lääivih, te kannat kuittâg smiettâđ jieijâd alkoholmeripitái mere. Tiävá-uv riskârääji toin naalijn, et vyerdimist láá tiervâsvuotâhááituh?

Tiervâsvuotâhááituh ovdáneh távjá hitásávt iäge veltihánnáá tieđeet alnestis, ovdil ko vaahâg lii jo tábáhtum.