Jieštipšomohjelm
Mii lii šlundevuođâ viärráás riegis?
Taa lii ohtâ ovdâmerkkâ:
Juurdâ “mun lam hyeni”
Tobdo “nievris mielâ”
Fyysilâš tubdâmuš “čiärustume”
Toimâm “pááikán pääccim”
- Juurdâ “mun lam hyeni” piäjá tubdâđ nievris mielâ.
- Nievris mielâ tobdo toovvât fyysilijd tubdâmušâid, tego tiädu tobdo tâi čiärustume.
- Ahevis tobdoh já tubdâmušah piejih velttâliđ tilálâšvuođâid já pääcciđ pááikán.
- Pááikán pääccim tuođânálásávt vist lasseet jurduid hyenivuođâst, tondiet ko uđđâ sajanpieijee já máhđulávt positivliih fiäráneh pääcih šodâhánnáá.
Tánávt jurduuh, tobdoh, fyysiliih tubdâmušah já tain čuávvoo toimâm hämmejeh jieijâs kiärdutteijee já háitulii viärráás riäggá.
Kost iše?
Monnii tobdo, tego nievris mielâ, lii távjá vaigâd muteškyettiđ njuolgist. Tondiet viggâmuššân lii vaiguttiđ tobdoid čuávuvái vuovijguin:
- hästimáin jieijâs jurduid
- muttemáin jieijâs lattim
Mušte
Taam jieštipšomohjelm tyejipiergâs-oosijn tun kaavnah sehe jurduid hästee já toimâlijd hárjuttâsâid.