Skip to main content

Jieštipšomohjelm

4. Ij muide ko toimâđ

Smietâ mottoom ääigi, et maid tun halijdiččih, et maggaar tuu eellim lii ihepele tâi joba ive keččin.

Maid tun halijdiččih porgâđ? Maht tun viätáččih jieijâd peeivi? Maid tun porgâččih rijjâääigi? Maid puorijd aašijd tuu eellim siskeldičij? Tipte jurduid kirdeđ, já čääli jieijâd niävdusijd pajas.

Hárjuttâs: Visio merhâšittee elimist

Ulme

Tun addiih pyerebeht, et maid tuáivuh elimist. Tun kaavnah meid aašijd, maid puávtáh vyelgiđ ovdediđ.

Raavâ

Smietâ, et maid tun halijdiččih, et maggaar tuu eellim ličij puátteevuođâst. Maid tun halijdiččih porgâđ? Maht tun viätáččih jieijâd peeivi? Maid tun porgâččih rijjâääigi? Maid puorijd aašijd tuu eellim siskeldičij?

Tipte jurduid kirdeđ, já čääli jieijâd niävdusijd pajas. Niävduseh já luvâttâllum ääših pyehtih leđe stuárráh tâi uceh tast sorjon, maggaar tuu eellimtile lii.

Pargo maŋa

Ooroost tääl smiettâđ, et mii iästá tuu elimist tego eskin kuvâttillih. Lii-uv tuu tuoivuin miinii, maid tun puávtáččih vyelgiđ tuálvuđ ovdâskulij?

Smietâ, et magareh puoh máhđulâšvuođah tuu elimist puávtáččii leđe vijđásubbooht-uv. Moh aašijd rigodiččii tuu eellim?

Maaŋgâlágán toimâmmáhđulâšvuođah

  • ornijdâhtoimâ
  • iävtutátulâš pargo
  • aalmug- já pargoviehâopâttuvâi kuursah
  • puđâldemseervih
  • uápui luuhâm tâi välmejeijee škovlim
  • pargoelimân maccâm om. kepidum vuovvijn, jis tun lah puoccâmluámust
  • AIL vajoidittemkuursah

Tiäđuh já oonah jieškote-uv máhđulâšvuođâin láá finniimist valjeest. Kannat eelliđ ucâmin tiäđu jieijâs kaavpug já ovtâstusâi nettisiijđoin. Kirjeráájuin lii finnimnáál ennuv jieštipšomkirjálâšvuotâ, mast sáttá finniđ uđđâ jurduid já tuágádâsâid.