Iešdikšunprográmma
Bures boahtin áŧestusa iešdikšunprográmmii!
Leago dát iešdikšunprográmma mu várás?
Jus váillahat nuppástusa iežat dillái, áŧestusa iešdikšunprográmmas sáhttá leat ávki dutnje. Áŧestusa iešdikšunprográmma heive buohkaide, geat dovdet áŧestusa ja moraštit liiggás, nu ahte dat hehttejit eallima. Dus ii dárbbaš leat diagnosa.
Buoremus áigi oahpásmuvvat iešdikšunprográmmii lea dalle, go áŧestus ii leat liiggás fámolaš.
Dát iešdikšunprográmma lea láivves ja gaskadási váttes symptomaid várás.
Sáhtát geavahit áŧestusa iešdikšunprográmma
- 24/7
- nuvttá
- agis beroškeahttá
- almmá nama haga ja čálitkeahttá sisa
- beroškeahttá das, leago diagnosa vai ii
- eará divššu lassin dahje iešheanalis
- čađahemiin olles prográmma dahje válljemiin dušše daid osiid, mat heivejit dutnje buoremusat
Min mihttomearri lea, ahte dieđut ja veahkki leat buohkaid olámuttus johtilit ja juksamis vuollegis šielmmáin.
Áŧestus sáhttá dihttot máŋgga láhkai, sáhtát ávkašuvvat maid čuovvovaš prográmmain:
Prográmma čohkiida čuovvovaš osiin
1. MAS LEA SÁHKA?
Oahpat dovdát, mot áŧestus dihtto. Sáhtát árvvoštallat, man fámolaš dávdamearkkat dus leat ja sivaid dasa.
Áššedovdifilmmain oahpat, goas áŧestussii gánnáha darvánit ja mii dasa veahkeha. Áŧestusa vásihan olbmot muitalit filmmain, mii láivuda dan ja mot áŧestusain sáhttá oahppat eallit.
Oaččut maid dieđuid das, mot áŧestus dikšojuvvo.
2. BARGOREAIDDUT
Gorutlaš hárjehusaiguin oahpat lotkkodit ja leat diđolaččat dálá bottus. Lotkkodeapmi lea vuohki ráfáidahttit goruda ja muitalit dasa, ahte ii leat miige heđiid.
Jurddašanhárjehusaiguin hásttát iežat jurdagiid, fuolaid ja doaimmaid. Suokkardalat iežat dárbbu rievdat.
Hárjehusaid bokte nuppástuvat lohkkis aktiivvalaš dahkkin. Oahpat čoavdit čuolmmaid ja ođđa vugiid meannudit iešguđet diliin. Ná lávket ovddosguvlui buoridit iežat dili.
Hárjehusat molsašuddet guhkkodaga ja sisdoalu dáfus. Sáhtát oahpásmuvvat daidda dakkár ortnegis go háliidat dahje válljet alccesat vuohkkasamos molssaeavttuid.
3. RÁVVAGAT BOAHTTEÁIGÁI
Áŧestusa hálddašanvugiid lassin veaju buorráneapmái váikkuhit maiddái du árgaeallima eará áššit.
Oaččut tipssaid, mot doalahit bohtosiid, maid leat juo juksan. Oahpat, mot árgaeallima hálddašeapmi ja dássedettolaš eallin váikkuhit mielladearvvašvuhtii.
Sáhtát deavdit gažadeami ođđasit ja veardidit, man dásis du áŧestus lea iešdikšuma maŋŋá.
Gávnnat maid tipssaid ávkkálaš bálvalusaide ja Mielladearvvašvuođadálu eará sisdoaluide, main don soaittát leat beroštuvvan.
Čuovvovaš filmmas (1:34) gulat dárkilabbot iešdikšunprográmma ráhkadusas. Oaččut maid dieđuid das, mot iešdikšunprográmma hárjehusat ja duogášdiehtu sáhttet álkidahttit du dili.
Mii iešdikšunprográmmaid?
- vuođđuduvvá divššus beaktilin gávnnahuvvon ja dutkojuvvon doaibmavugiide
- das leat golbma oasi
- sisttisdoallá dieđuid ja hárjehusaid, mat veahkehit árgabeaivvis ja symptomaid hálddašeamis
Dát lea maid ámmátolbmo bargoreaidu
Dán sáhttá geavahit ollisvuohtan dahje osiid mielde joavkkuid dahje indiviidadeaivvademiid doarjjan.
Ámmátolmmoš sáhttá doarjut ja bagadallat hárjehusaiguin. Iešdikšunprográmma čađaheami áigge deaivvadit dávjjimusat 1–3 geardde. Dalle sáhttet ovdamearkka dihtii ságastallat hárjehusaid bohciidahttin jurdagiin ja suokkardallat, mat hárjehusat heivejit buoremusat.
Fuomáš!
Jus vásihat, ahte dus leat duođalaš symptomat, ále eahpit ohcat maiddái veahki!
Muitinlistu álggaheapmái
Gos beare, goas beare
Iešdikšun-prográmma lea sadjagasas álo, go dus lea áigi ja materiálaid beasat geahččat birra jándora báikkis fuolakeahttá. Doala vaikke gáfestallanbottu guhkkosaš bottoža dihtora guoras ja loga dieđuid fáttá birra.
Aktiivvalaš hárjehallan buktá bohtosiid
Ođđa bargoreaidduid oahppamis lea dehálaš hárjehallat bistevaččat. Go hárjehalat bargoreaidduid geavaheami álggus álkes diliin, de dat veahkehit du vehážiid mielde maiddái váddásut diliin, main dovddut leat oažžumin válddi.
Suddjen dihtii du priváhttavuođa, gažademiid ja hárjehusaid vástádusat eai vurkejuvvo. Jus háliidat rádjat daid, kopiere daid alccesat sierra fiilii.
Dus lea vejolašvuohta rievdat
Don leat fargga álggaheamen iešdikšun-prográmma. Lea fiinna ášši, ahte don doaimmat iežat buorrin. Iešdikšunprográmma veahkeha du lávket dakkár eallima guvlui, man don háliidat.
Lea dábálaš, jus hárjehusat orrot gaskkohagaid hástaleaddji. Dat lea dábálaš, go fikkat juksat bissovaš nuppástusaid. Galggat nappo leat árbmugas alccesat. Bargga prográmma heivvolaš osiid mielde, ja doala bottuid, maid áigge čohkket fas fámuid.