Iešdikšunprográmma
2. BARGOREAIDDUT
Liiggás áŧestus lea dávjá sitkat ja gáržuda jurddašanvuogi. Dalle soaitá darvánit beaktilmeahttun áŧestusa hálddašanvugiide.
Vuogit juksat nuppástusa
Buorre ođas lea, ahte iežas áŧestusa sáhttá oahpahallat hálddašit. Dus alddát leat čoavdagat lihkostuvvamii, daningo don leat juo iežat miela buoremus áššedovdi.
Čuovvovaččat oahpat vugiid, maiguin lea vejolaš hálddašit liiggás áŧestusa buorebut. Muhtimat dain sáhttet leat dutnje juo oahppásat, oassi fas ođđasat.
Sávvamis gávnnat aiddo dutnje vuogas vugiid, maiguin sáhtát dás duohko ávkkástallat árgabeaivvistat. Datge lea juo mávssolaš, ahte don logat dán teavstta. Leat nappo juo muhtin veardde orustan guorahallat du dili ja sávat nuppástusa.
Hárjehusat leat dehálamos oassi iešdikšunprográmmas.
Lea dehálaš, ahte dieđuid lohkama lassin barggat maid hárjehusaid. Hárjehusaid bokte nuppástuvat lohkkis aktiivvalaš dahkkin. Ná lávket ovddosguvlui buoridit iežat dili.
Mot hárjehusat dahkkojuvvojit?
Muhtin hárjehusat váldet eanet áiggi go nuppit. Dehálaš lea goittotge, ahte joatkkát hárjehusaiguin, vaikko dat orošiige hástaleaddji. Muhtin hárjehusaid lea dehálaš geardduhit doarvái máŋgii, ja dalle nuppástusat šaddet bistevaččabun.
Hárjehusat, maid don vásihat erenomáš buorrin, gánnáha rádjat muitui ja máhccat daidda gillilit.
Čuovvovaš filmmas (1:21) oaččut tipssaid iešdikšunprográmma hárjehusaid bargamii. Seammás gulat, manin hárjehallamii gánnáha čatnasit.
Atte áiggi nuppástussii
Motivašuvdna áššiid rievdadeapmái molsašuddá. Maiddái gaskkohagaid soitet leat eanet fámut ollašuhttit nuppástuvvama, muhtumin fas uhcit. Muitte, ahte dákkár molsašuddan lea lunddolaš.
Šiehta iežainat: geahččal dáid iešdikšunrávvagiid, ja árvvoštala easka maŋŋelabbos leago dain ávki.
Oažžut dán oasis bargoreaidduid doaibmanávccaid máhcaheapmái ja jurddašanvuogi ođasmahttimii. Bargga hárjehusaid dan mielde, mat hárjehusat orrot alccesat eanemus dárbbašlaččat. Muitte guldalit iežat áhpiid.