Iešdikšunprográmma

​Sávvamis ožžot ávkkálaš dieđuid ja ođđa jurdagiid ja bargoreaidduid deprešuvnna vuoitimii3559> Gidde dás duohkoge fuomášumi iežat árgahálddašeapmái ja fikka fuolahit dus buoremus vejolaš vugiin. Muitte maid bálkkašit iežat.

Gánnáha joatkit doaibmabeavdegirjji doallama, vai oahpat dovdát, mot iešguđet dahkkit váikkuhit mielladillásat.

Atte alccesat lobi doallat vuoiŋŋastanbeivviid, ja pláne daid vaikke ovddalgihtii. Pláne vahkkokaleandarii ovddalgihtii maiddái bottuid lihkadeapmái ja somás doaimmaide.

Čuovvovaš filmmas (1:20) gulat eambbo tipssaid dasa, mot iežas miela buresveadjima sáhttá doalahit iešdikšunprográmma maŋŋá.

Gos oažžu veahki?

Maid barggan, jus iešdikšunprográmma ii lean doarvái?

Jus du deprešuvdna šaddá fámolabbon dahje vásihat, ahte dat hehtte du doaibmanávccaid ja eallinkvalitehta.

Jus dus lea juo dikšokontákta, muital dovdamušainat iežat ámmátolbmui. Jus dus ii leat dikšokontákta, deprešuvnnain vuođđodearvvašvuođafuolahus lea dávjjimusat rievttes oassebealli. Vuođđodearvvašvuođafuolahussii gullet dearvvašvuođastašuvnnat, bargodearvvašvuođafuolahusat ja priváhtta doavtterstašuvnnat.

Neahttaterapiija

Jus vásihat, ahte besset bures johtui, muhto háliidat nannosabbo doarjaga, sáhtát ságastallat doaktáriinnát neahttaterapiija vejolašvuođas.

Neahttaterapiija lea dikšu, mii čađahuvvo iežas dihtoriin dahje fiehttorusttegiin, ja mas terapevta doarju iešheanalis ovdáneapmi. Neahttaterapiijas gieđahallojuvvojit muhtumassii seammá temát go dán iešdikšunprográmmas ja beasat bargat eambbo hárjehusaid.

Terapiija barggat vahkkosaččat ja dat bistá sullii 3–4 mánotbaji. Terapiijas joatkkát váttisvuođaidat suokkardallama ja oahpahalat ođđa doaibmamálliid diehtosisdoaluid, filmmaid ja hárjehusaid bokte.

Neahttaterapiijain leat ožžon seammá buorre bohtosiid go psykoterapiijas njunnálagaid, go dat leat čujuhuvvon riekta.

Neahttaterapiija beassá dávjjimusat álggahit vahku siste das, go doavttir lea čállán vuolggahusa.