Iešdikšunprográmma

Mii beare doaimmalašvuođaid lasiha eallimasat hálddašeami dovddu ja ovddida du buresveadjima. Bargan ja doaimmat eai dárbbaš leat stuorra áššit. Árgabeaivvi vuođđoáššit, dego málesteapmi, lihkadeapmi, čorgen ja iežat fuolaheapmi leat buot doaimmat.

• Vuođđoáššiin ceavzin duddjo árgii ritmma ja buktá buori miela masá fuomáškeahttá.
• Oasálašvuohta bargo- ja studeantaservošiin ja lassin sosiála gaskavuođat buktet eallimii sisdoalu.
• Lihkadeapmi ja eará áiggeájit bukte buori miela.

Doaimmalašvuohta berrešii leat dássedeattus iežat návccaid, máhtu ja vejolašvuođaid mielde. Orrugo du mielas, ahte dus leat somás doaimmat doarvái árggastat? Jus vástidit “ii”, suokkardala, makkár doaimmaid aiddo don háliidivččet lasihit eallimasat?

Ane ávvira sosiála gaskavuođainat. Nuppi olbmo mieldeorrun ja oktavuođat eará olbmuide leat dehálaččat. Áššiid birra hállan, ovttasbargan dahje beare mieldeorrun geahpedit streassa. Geat olbmot leat aiddo dutnje dehálaččat? Doalatgo sidjiide doarvái oktavuođa? Juoba okta skibir lea divrras. Iežas bearaš ja fuolkkit leat dehálaš fierpmádagat.

Váillahatgo ođđa olmmošgaskavuođaid? Ođđa sosiála gaskavuođaid soaitá álggus orrut hástaleaddji čatnat. Lea goittotge dehálaš vuolgit roahkkadit olggos dárkkodit birrasa. Ođđa ustibiid sáhttá gávdnat studerema dahje barggu bokte. Áiggeájiin, servošiin dahje rieggáin lea vejolaš deaivvadit olbmuid, geat leat beroštuvvan seammá áššiin.

Jeavddalaš oađđin-gohcinritma lea dehálaš, dego maiddái oađđit doarvái. Oađđindárbu lea hui individuála, ja dat molsašuddá agi, genetihka ja aktiivvalašvuođa mielde. Ollesolbmo oađđindárbu meroštallo dávjá sullii gaskkal čieža ja gávcci diibmui jándoris.

Jus ii oađe ihkku doarvái, ii gánnát geahččalit virkkosmahttit veaju juhkamiin liiggás gáfe ja eará koffeiidnajuhkosiid, daningo liiggás koffeiidna sáhttá lasihit áŧestusa.

Mielenterveystalo.fi:s gávdno maiddái oađekeahtesvuođa iešdikšunprográmma.

Lihkadeapmi veahkeha burgit moaráskeami ja heahtedili, maid áŧestus lea gorudis dagahan. Lihkadeapmi sáhttá maid láivudit áŧestusa fysalaš symptomaid, dego illáveadjima dahje doarggisteami. Lihkadatgo iežat mielas dál doarvái?

Jus háliidat lasihit árgabeaivásat lihkadeami, gánnáha kaleandarii ráhkadit lihkadanplána. Muitte, ahte somás lihkadeami dahká álkibut. Lihkadeapmi ii álo dárbbaš leat virkos vázzin, muhto dat sáhttá leat ávkelihkadeapmi dahje vaikke murjen dahje spábbaspealut skihpáriin. Smiehta, masa liikot!

Mii ávžžuhit, ahte lihkadivččet unnimustá 3 x 30 minuhta vahkus. Juoba uhca mearri lea buoret go ii mihkkige. Dávjá dehálamos lea beassat vuolgit!

Máŋggabealagis biebmu doalaha buori doaibmanávcca. Vuoiŋŋamaččat leat olbmo doaibmama dáfus dehálaš orgána. Go borat bures, attát vuoiŋŋamaččaidasat ja gorudasat energiija. Buorit boradanvierut buoridit vuojulduvvanmáhtu, koordinašuvnna, motivašuvnna, muittu ja streassa gierdama. Jeavddalaš boradanritma hábme maid ritmma beaivái.