Iešdikšunprográmma

Devdet iešdikšunprográmma álggus deprešuvdnagažadeami. Sáhtát deavdit gažadeami dál ođđasit ja geahččat, leago du deprešuvdna geahppánan iešdikšunprográmma áigge. Jus háliidat, sáhtát máhccat bargat gažadeami maŋŋelabbos, go leat bargan eambbo hárjehusaid.

Leatgo du symptomat geahppánan? Hui fiinna ášši! Ii dárbbaš fuolastuvvat, jus du symptomat eai leat jávkan ollásit. Dehálamos lea, mot dat dán áigge váikkuhit du eallimii. Jus sáhtát iežat mielas eallit dál dássedettolabbo eallima go ovdal, leat juksan juo duođai olu. Veajuiduvvan sáhttá joatkašuvvat iešdikšunprográmma maŋŋelge.

Jus du symptomat eai leat geahppánan, ja orru, ahte dárbbašat fámolabbo veahki, muital das ámmátolbmui. Tipssat dása gávdnojit vehá ovdalabbos.

Veaju buorráneapmái váikkuhit máŋggat du árgabeaivvi áššit. Čuovvovaččat mii dárkkodit moadde ášši, mat váikkuhit almmolaš buresveadjimii.