Iešdikšunprográmma

Olbmuin leat mearkkašahtti erohusat streassagierdannávccain, ja lea vuogas oahppat dovdát iežas rájáid. Jus fuomášat, ahte geavahat meareheamet áiggi ja návccaid lossa áššiide, gánnáha dárkkodit árgabeaivvi ja giddet fuomášumi áigegeavahusa dássededdui.

Jus eallimis ii leat doarvái áigi veajuiduvvamii ja lotkkiideapmái, dan geažil sáhttá ovdamearkka dihtii

• mielladilli njiedjá, eardu ja váibá
• muitinváttisvuođat ja vuojulduvvanmáhtu geahnohuvvá
• mearehis fuolastuvvama dahje áŧestusa
• álggahannávccaid geahppáneapmi
• ii šat beroš áššiin, mat ovdal ledje suohttasat

Somás bargan

Mii beare bargamiid ii leat somá Ollugat leat vásihan, ahte vaikke leat beassan vuolgit olggos, bidjan diskkaid lihtebassanmášenii dahje fitnan gávppis, dilli ii leat buorránan. Mielladili buorida somás bargan dahje mii nu, mas vásiha iežas leat buorre.

Lea dehálaš ohcagoahtit ruovttoluotta massojuvvon doaimmaid, mat goas nu leat buktán buori miela. Lea buorre maid gávdnat áibbas ođđa, buorre áššiid, mat buvttadit buorre mielladili.

Viečča inspirašuvnna eará olbmuid vásáhusain

Ovdal dán siiddu suokkardallanhárjehusa, sáhtát geahččat čuovvovaš filmma (2:45). Filmmas deprešuvnna vásihan olbmot muitalit ovdamearkkaid áššiin ja doaimmain, main sii návddašit ja ožžot fámuid árgabeaivvis.

Okta tipsa lea plánet somás astoáiggi doaimma ovddalgihtii, vai dat sihkkarabbot ollašuvvá.

Mii buktá aiddo dutnje ilu?

Lea hui individuála, masa guđege olmmoš liiko. Leage dehálaš, ahte dieđát, mat áššit buvttadit aiddo dutnje ilu. Lea vuogas stellet buori miela listtu oidnosii, dego jiekŋaskábe uksii.

Suokkardala maid, lasihitgo du válljen áššit buresveadjima maid guhkit áigegaskkas. Go lea nuonddahaddan, sáhttá hearkkit ribahit vahátlaš hoahppočovdosiidda. Ovdamearkka dihtii jeđđehusborran, alkohola, áittaspealuid speallan dahje neahta bláđen sáhttet veháš áigái ložžet dili, muhto guhkit áigegaskkas dat sáhttet leat vahátlaččat.

Somás áššiid gávdná álkibut dalle, go mielladilli lea duhtavaš.