Iešdikšunprográmma

JURDDAŠANHÁRJEHUSAT

Deprešuvdna dagaha váttásmuvvi ja joatkašuvvi dili, mas jurdagat, dovddut ja doaibman váikkuhit nubbi nubbái.

Jurdagat váikkuhit dasa, maid dovdá. Dovddut fas mieldduhit bargat maid nu. Dagut fas váikkuhit jurdagiidda ja dovdduide.

Lea vuogas oahppat áiccadit, mat dát jurdagat ja dovddut leat.

Gula, makkár jurdagat leat veahkehan earáid

Deprešuvnna doalaheaddji vahátlaš jurddašanvugiin sáhttá oahpahallat eret.

Filmmas (2:52) deprešuvnna vásihan olbmot muitalit, mot sii leat lihkostuvvan váikkuhit iežaset jurddašanvugiide ja dakko bokte veajuiduvvat deprešuvnnas. Ávkkálaš vuogit leamašan earret eará iežas jurdagiid dohkkeheapmi ja realisttalaš jurddašeapmi.

Sáhtát geahččat filmma ovdal go geahččalat jurddašanhárjehusaid.

Muitte

Dovdduid ja jurdagiid dovdán lea dehálaš botken dihtii deprešuvnna váttásmuvvi ja joatkašuvvi dili.

Oahpat áiccadit jurdagiid ja sivaid iežat deprešuvnna duogážis. Iešguđetlágan hárjehusaiguin beasat maid smiehttat áššiid, mat leat eallimisttát mávssolaččat.